ТОШКЕНТ, 24 июл — Sputnik. Россия президенти Владимир Путин телефон мулоқоти давомида Ўзбекистон раҳбари Шавкат Мирзиёевни 60 йиллик юбилейи билан муборакбод этди. Томонлар иккиёқлама ҳамкорлик масалаларини муҳокама этдилар, деб хабар қилди Кремль маъмуриятидаги манба.
Кремль сайтида шунингдек, Россия президентининг табрик телеграммаси эълон қилинган бўлиб, унда Владимир Путин Шавкат Мирзиёев ўз юртдошлари ҳамда хорижда ўта юқори нуфузга эга эканлигини алоҳида таъкидлаб ўтган.
"Сизнинг мамлакатларимиз ўртасида стратегик шериклик ва иттифоқчилик муносабатларини ривожлантиришга қаратилган принципиал йўналишингизни Россияда жуда қадрлашади", — дейилган телеграммада.
Владимир Путин шунингдек, қардош халқлар фаровонлиги йўлида ҳамда регионал хавфсизликни таъминлаш мақсадида ўзаро манфаатли Россия-Ўзбекистон муносабатлари янада ривожланиб бораверишига умид билдирган.
