TOШКЕНТ, 27 июл — Sputnik. "Бунёдкор" сафига янги футболчилар келиб қўшилди. Бу ҳақда uzbekistan24.uz хабар берди.
Хабарга кўра, "Бунёдкор" раҳбарияти жамоа таркибини кучайтириш мақсадида дарвозабон Суҳроб Султонов, ҳимоячи Ислом Қобилов (иккиси ҳам "Металлург"дан), ярим ҳимоячи Шоҳрух Гадоев ("Бухоро"), ҳужумчи Воҳид Шодиев ("Қизилқум"), ҳимоячи Анвар Ғофуров, ҳужумчи Шоҳруз Норхонов (иккиси ҳам "Обод"), ярим ҳимоячи Сардор Собирхўжаев ("Шўртан") билан шартнома имзолади.
Янги футболчиларни таништириш маросимида уларга футболкалар топшириш маросими ҳам ўтказилди. Унга кўра, Суҳроб Султонов 32, Ислом Қобилов 3, Шоҳрух Гадоев 22, Воҳид Шодиев 14, Анвар Ғофуров 6, Шоҳруз Норхонов 77, Сардор Собирхўжаев эса 18-рақамли футболкани қабул қилиб олди.
