ТОШКЕНТ, 14 авг — Sputnik. Маълумки Ўзбекистонда турли миллат вакиллари ўзбек халқининг ташвишу қувончларига шерик бўлиб, урф-одатлари чамбарчас боғланган ҳолда, яшаб келмоқда.
"Ўзбекистон — умумий уйимиз" — дўстлик фестивали ана шундай анъаналарни сақлаб қолиш ва дўстлик ришталарини мустаҳкамлашга қаратилган.
Мустақиллик байрами арафасида Фарғона вилоятининг бир неча шаҳар ва туманларида дўстлик фестиваллари бўлиб ўтмоқда.
Фестивалда рус ва яҳудий миллий маданий маркази вакилларининг истеъдодлари хонандалари томонидан Ватанга муҳаббат тараннум этилган тароналар янгради. Айниқса, татар миллий маданий маркази қошидаги "Кубалягем" ансамбли ижросидаги чиқишлар юртдошларимизга манзур бўлди. Ўзбекона оҳанглар барчани рақсга чорлади.
"Ўзбекистон — умумий уйимиз" фестивали вилоятда фаолият кўрсатаётган миллий маданий марказлар иштирокида турли ҳудудларда давом этмоқда.
