ТОШКЕНТ, 25 авг — Sputnik. Ўзбекистон Молия вазирлиги ҳузурида таълим ва тиббиёт муассасаларининг моддий-техника базасини ривожлантириш бўйича махсус жамғарма тузилди, деб хабар қилинди президент расмий веб-сайтида.
Президент қарорига асосан жамғарма маблағлари мактаб, коллеж ва лицейлар, болалар мусиқа ва санъат мактаблари, олийгоҳлар ва тиббиёт муассасаларини реконструкция ва капитал таъмирлаш, жиҳозлаш ишларига йўналтирилади.
Жамғарма бир неча манбалар асосида шаклланади. Улар давлат бюджети маблағлари, халқаро молиявий институтларнинг кредит ва грантлари, шунингдек хайрия маблағларидан иборат бўлади.
