Ўзбекистонда амалдорлар ўз даромадлари ва харажатлари ҳақида декларация топширадилар

© Sputnik Илья ПиталевАмалдор
Амалдор - Sputnik Ўзбекистон
Oбуна бўлиш
Даромад, харажатлар ва мол-мулк тўғрисида декларацияни тақдим этмаслик ёхуд тўлиқсиз, нотўғри маълумотларни тақдим этиш мансабдорнинг давлат хизматидан четлатилиши учун асос бўлиб хизмат қила олади

ТОШКЕНТ, 30 авг — Sputnik. Ўзбекистонда давлат хизматчилари ва уларнинг оила аъзолари даромад ва мол-мулк тўғрисида декларация топширишлари шарт этиб белгиланади. Бу каби ўзгаришлар "Давлат хизмати" ҳақидаги қонунчилик лойиҳасида кўзда тутилган.

Ўзбекистон президенти Шавкат Мирзиёев - Sputnik Ўзбекистон
Ўзбекистонда яна кадрлар ўзгариши: Мирзиёев амалдорлардан қаттиқ норози
Қонун лойиҳасида ёзилишича, давлат хизматида амал эгаллаган мансабдорлар ("кичик мутахассис" тоифасидагилардан ташқари), ҳар йили мол-мулк, оладиган даромадлари ва қиладиган сарф харажатлари ҳақида маълумот беришлари керак бўлади. Шунингдек, давлат хизматчиларининг оила аъзолари, хусусан ота-оналари, турмуш ўртоғи, фарзандлари (шу жумладан асраб олинганлари ҳам) мол-мулк ва даромадлари ҳақида декларация тақдим этишлари керак бўлади.

Айрим тоифадаги давлат хизматчилари учун қўшимча талаблар белгиланиши мумкин. Шу жумладан, уларнинг оила аъзолари рўйхати кенгайтирилиши мумкин. Қўшимча талаблар Ўзбекистон Республикаси Президенти томонидан белгиланади

Даромад, харажатлар ва мол-мулк тўғрисида декларацияни тақдим этмаслик ёхуд тўлиқсиз, нотўғри маълумотларни тақдим этиш мансабдорнинг давлат хизматидан четлатилиши учун асос бўлиб хизмат қила олади.

Ҳужжатда шунингдек, Ўзбекистон президенти қошида давлат хизматлари масалалари бўйича ваколатли давлат орган тузилиши назарда тутилган.

Янгиликлар лентаси
0