Банклар қўшимча валюта айирбошлаш шохобчаларини очади

© Sputnik / Алексей Филиппов / Медиабанкка ўтишВалюта айирбошлаш шохобчаси
Валюта айирбошлаш шохобчаси - Sputnik Ўзбекистон
Oбуна бўлиш
Жисмоний шахсларга чет эл валютасини олиш ва сотиш тартиби соддалаштирилади. Бунинг учун банклар қўшимча валюта айирбошлаш шохобчаларини очади

ТОШКЕНТ, 4 сен — Sputnik. Жисмоний шахслар учун чет эл валютасини сотиб олиш ва сотиш тартиби соддалаштирилади.

Бу ҳақда Ўзбекистон Республикаси президентининг "Валюта сиёсатини либераллаштириш бўйича биринчи навбатдаги чора-тадбирлар тўғрисида"ги Фармонига келтирилган шарҳда айтиб ўтилган.

Валюта курси - Sputnik Ўзбекистон
"Бўларкану!": доллар атрофидаги ўзгаришларга Facebook фойдаланувчиларининг муносабати
Фармонга келтирилган шарҳга мувофиқ, "банклар томонидан аҳоли билан валюта айирбошлаш операцияларини сифатли амалга оширилишини таъминлаш мақсадида тижорат банкларининг филиаллари ва мини-банкларида, айниқса, йирик савдо марказлари ва бозорларда қўшимча валюта айирбошлаш шохобчаларини очиш назарда тутилган.

Шунингдек, фуқароларга қулайликлар яратиш мақсадида байрам ва дам олиш кунларида валюта айирбошлаш шохобчаларининг узайтирилган иш тартибини жорий қилиш белгиланган.

Ҳужжатда шунингдек, "Конверсион бўлимлар орқали чет эл валютасини сотишда олинадиган воситачилик ҳақи миқдорини имкон даражасида пасайтириш чораларини кўриш ҳамда халқаро тўлов карталаридан хорижда фойдаланишда мавжуд барча чекловларни бекор қилиш назарда тутилган"и ҳақида қўшимча қилинган.

Шу билан бирга, маҳсулот ишлаб чиқарувчи якка тартибдаги тадбиркорлар ва фермер хўжаликларининг экспорт фаолиятини рағбатлантириш мақсадида уларга чет эл валютасидаги даромадларини ўз хоҳишига кўра эркин тасарруф этиш, бунда банк ҳисобварақларидан нақд чет эл валютасини ечиб олишгача бўлган ҳуқуқ берилади, деб қайд этилган ҳужжатда.

Янгиликлар лентаси
0