Ўзбекистон президенти Шавкат Мирзиёевнинг Қирғизистонга давлат ташрифи ниҳоясига етди.
Ўзбекистон раҳбарига турмуш ўртоғи Зироатхон Ҳошимова, Қирғизистон президентига эса турмуш ўртоғи Раиса Атамбаева ҳамроҳлик қилди.
Алмазбек Атамбаев "Манас" халқаро аэропортида ҳамкасби Шавкат Мирзиёевни кузатиб қўйди. Кузатиш маросимида ҳар икки давлат расмий делегациялари аъзолари иштирок этишди.
Давлат ташрифи доирасида президентлар тор ва кенг шаклда музокаралар ўтказдилар, кенг миқёсдаги масалалар юзасидан фикр алмашдилар, икки томонлама ҳамкорликнинг барча қирралари ва келгусида ҳамкорликни янада кучайтириш истиқболлари муҳокама қилинди.
Ташриф давомида қатор ҳужжатлар имзоланди.
