ТОШКЕНТ, 15 окт – Sputnik. Ўзбекистон ташқи ишлар вазири Абдулазиз Камилов бошчилигидаги делегация Эронда 16-18 октябрь кунлари бўлиб ўтадиган Ўзбекистон-Эрон бизнес-форумида иштирок этади, деб хабар қилмоқда ТИВ расмий саҳифаси.
Ташриф дастуридан Эрон Ислом Республикаси Президенти Ҳасан Руҳоний, вице-президент Сурен Саттарий, ташқи ишлар вазири Жавад Зариф ва Эроннинг бошқа давлат тузилмалари раҳбарлари билан учрашувлар ва музокаралар ўрин олган.
Ўзбекистон-Эрон бизнес-форумида икки мамлакат орасидаги иқтисодий ва ижтимоий алоқаларни янада мустаҳкамлаш, кенгайтирил ҳамда истиқболли ҳамкорлар билан музокаралар олиб бориш режалаштирилган.
