Ўзбекистон нотариал идоралар фаолиятига яна ўзгартиришлар киритилди

Oбуна бўлиш
Бугунги кунда барча нотариусларга легаллаштириш талаб этиладиган ҳужжатларни шаҳодатлаш ҳуқуқи берилди

ТОШКЕНТ, 19 окт — Sputnik. Ўзбекистонда нотариал идоралар фаолиятига яна бир бор ўзгартиришлар киритилди, деб хабар қилди Sputnik мухбири.

Символы закона и правосудия - Sputnik Ўзбекистон
Тошкент нотариал идоралари Адлия вазирлигининг бевосита раҳбарлигига ўтказилади

Эндиликда фуқаролар чет элда амал қилишга мўлжалланган қонунийлаштириш (легаллаштириш) талаб этиладиган ҳужжатларни шаҳодатлаш масаласида ўзлари учун қулай бўлган нотариал идорага мурожаат этишлари мумкин.

Бугунги кунга қадар чет элда амал қилишга мўлжалланган қонунийлаштириш (легаллаштириш) талаб этиладиган ҳужжатларни шаҳодатлаш фақатгина муайян нотариуслар томонидан амалга оширилиб келинганди.

Адлия вазирлиги мутахассислари фикрига кўра, ушбу ўзгартиришлар давлат хизматларини кўрсатишда фуқароларга қулай шарт-шароитлар яратиш, тезкорлик ва сифатли ҳуқуқий хизмат кўрсатишга қаратилган.

Шу ўринда таъкидлаб ўтиш керакки, бу нотариал идоралар фаолиятига ягона бўлган ўзгартиришлар эмас. Хусусан, 2018 йил 1 январдан бошлаб мамлакатда хусусий нотариал идораларнинг фаолият кўрсатилишига рухсат берилади. Хусусий нотариал идоралар иш фаолияти 2010 йил май ойида тўхтатилганди.

Документы в руках - Sputnik Ўзбекистон
Ўзбекистонда нодавлат нотариуслар фаолияти йўлга қўйилади
Ўша вақтда бундай чоранинг кўрилиши тушунарли ҳолат эди. Чунки тизим ниҳоятда коррупциялашган эди. 2008-2010 йиллар давомида турли қоидабузарликларга йўл қўйган 110 та хусусий нотариуслар жавобгарликка тортилганди. Шунингдек, 49 та хусусий нотариал идоралар лицензияси амал қилиш муддати тўхтатиб қўйилиб, 61 та нотариал идоралар интизомий ва жиноий жавобгарликка тортилган эди.

Бироқ ушбу йўналишда вазият ўзгармади. 2017 йилнинг ўзида 67 нафар ходимларга нисбатан турли ҳуқуқий таъсир чоралари қўлланилди. Жумладан, 5 нафар нотариал идора ходимлари бўшатилган ва 27 нафар жиноий жавобгарликка тортилган.

Бундан ташқари, яқинда аҳоли ўртасида ўтказилган сўров ижобий натижаларни бермади. Сўровда қатнашган одамлар нотариал идораларда узоқ вақт ва кўп маблағ йўқотилиши, нотариус ходимларининг камлиги, сифатсиз хизмат кўрсатилиши ва етарли малакаси йўқлигини маълум қилишган.

Сўровда қатнашганларнинг 60 фоизи нотариал идоралар ноқонуний фаолият кўрсатишлари ва прейскурантда белгиланган нархлардан кўп маблағ олинишини баён қилишган.

Янгиликлар лентаси
0