Ёшлар иттифоқи ходимларига Spark ва Damas машиналарини сотиб олиш учун кредитлар берилади

© ChevroletChevrlet Spark RS
Chevrlet Spark RS - Sputnik Ўзбекистон
Oбуна бўлиш
Ўзбекистон Вазирлар Маҳкамаси Ёшлар иттифоқи ходимларига Ўзбекистонда ишлаб чиқарилган енгил автомобилларни харид қилиш учун кредит ажратиш тўғрисида чора-тадбирларни тасдиқлади

ТОШКЕНТ, 19 окт — Sputnik. Ўзбекистон Республикаси Вазирлар Маҳкамаси Ёшлар иттифоқи ходимларига Ўзбекистонда ишлаб чиқарилган енгил автомобилларни харид қилиш учун кредит ажратиш тўғрисида чора-тадбирлар режасини тасдиқлади, деб хабар қилди Sputnik мухбири.

Мужчины во время сбора хлопка - Sputnik Ўзбекистон
Қуронбоев пахта режасини бажараётганларга бериладиган имтиёзлар ҳақида гапирди

Жумладан, "Асака" банк томонидан Қорақалпоғистон Ёшлар иттифоқи раиси, вилоят, шаҳар, туман иттифоқлари, шунингдек марказий иттифоқ ходимларига кредитлар ажратилади. Бу чоралар иттифоқ ходимларига ўзларига юклатилган хизмат вазифаларини тезкорлик ва ўз вақтида бажаришлари учун амалга оширилмоқда.

Ҳужжатга кўра, ходимларга асосан "Spark" ва "Damas" автомашиналарини харид қилиш режалаштирилган. Кредитлар Ўзбекистон Ёшлар иттифоқи марказий Кенгаши томонидан тақдим этилган рўйхат асосида ажратилади. Рўйхат мавжуд бўлган эҳтиёжлардан келиб чиққан ҳолда белгиланади.

Кредитлар 10 йилгача муддатга берилади. Бошланғич бадал тўлов автомашина умумий нархининг 15 %ни ташкил қилади. Фоиз тўловининг миқдори — кредит ажратилган кундаги Марказий банкнинг амалдаги қайта молиялаштириш ставкаси бўйича амалга оширилади.

Ўзбекистон ҳукумати "Ўзавтосаноат" компаниясига Ёшлар иттифоқи ходимларига машина билан бетўхтов таъминлаб туриш юзасидан топшириқ берилди.

Кахрамон Куронбаев - Sputnik Ўзбекистон
Ёшлар иттифоқи раҳбар бўлишни истайдиган ёшлар учун танлов эълон қилди
Шу ўринда таъкидлаб ўтиш керакки, бугунги кунда Ёшлар иттифоқи аъзолари ва фаолларига яна бир қатор имтиёзлар ишлаб чиқилмоқда. Жумладан, иттифоқ фаолларига ипотека бўйича бошланғич бадал тўловларини 25-30 фоизини қоплаш кўзда тутилмоқда. Ипотека кредитлари бўйича имтиёзларни йилига 140 киши олиши мумкин.

Бундан ташқари, республикада 2018-2021 йилларда ёшларга уй-жойларни қуриш бўйича дастур ишлаб чиқилмоқда. Демак, мамлакатнинг ижтимоий-сиёсий ҳаётида фаол иштирок этаётган ёш оилалар ўз уйларига эга бўлиши мумкин.

Шу билан бирга, Ёшлар иттифоқи аъзоларига ўқиш контракт пулини тўлаш учун моддий ёрдам кўрсатилади. 2018 йил 1 январдан ёш мутахассислар қисман даромад солиғидан озод этилади. Лицей, коллеж ва олийгоҳлар битирувчилари дастлабки ишга кирганда биринчи меҳнат қилиш йилида даромад солиғининг ярмини, қолган икки йил давомида эса чорак миқдорини тўлайдилар. Ушбу янгилик сўнгги уч йил битирувчиларга тегишли бўлади.

Янгиликлар лентаси
0