Турк ишбилармонлари Мирзиёевга Ўзбекистонда бизнес юритиш борасида нима деди?

© ADEM ALTAN / AFPПрезидент Узбекистана Шавкат Мирзиёев и президент Турции Реджеп Тайип Эрдоган в Анкаре
Президент Узбекистана Шавкат Мирзиёев и президент Турции Реджеп Тайип Эрдоган в Анкаре - Sputnik Ўзбекистон
Oбуна бўлиш
Ўзбекистон президенти Шавкат Мирзиёев ва Туркия Бош вазири Бинали Йилдирим иштирокида бўлиб ўтган икки мамлакат молия ва ишбилармон доиралари учрашувида Мирзиёев ишбилармонларнинг Ўзбекистонда бизнес юритиш борасидаги фикрлари билан қизиқди

ТОШКЕНТ, 27 окт — Sputnik. Ўзбекистон Республикаси президенти Шавкат Мирзиёев Истанбул шаҳрида Туркия Бош вазири Бинали Йилдиримни қабул қилди, деб хабар қилди Ўзбекистон Ҳукумати портали.

Узбекистан-Турция - Sputnik Ўзбекистон
Ўзбекистон – Туркия: кўп йиллик самарали ҳамкорлик
Учрашувда 25 октябрь куни Анқарада бўлиб ўтган олий даражадаги мулоқотда ҳамкорликнинг бугунги ҳолати холисона баҳоланиб, уни ривожлантиришнинг устувор йўналишлари белгилаб олингани таъкидланди.

Шунингдек, Мирзиёев ва Йилдирим иштирокида икки мамлакат молия ва ишбилармон доиралари учрашуви бўлиб ўтди.

Учрашувда Ўзбекистон ва Туркия ўртасида имзоланган ҳужжатлар улкан аҳамиятга эга экани қайд этилди. Шунингдек, 26 октябрь куни Истанбулда ўтказилган икки мамлакат ишбилармон доиралари бизнес-форумида йирик энергетика объектлари ва йўл инфратузилмаларини қуриш, тўқимачилик маҳсулотлари, электр жиҳозлари, қурилиш материаллари ишлаб чиқариш, озиқ-овқат ва агросаноат тармоғида замонавий саноат ва логистика марказлари ташкил этиш соҳаларида қўшма лойиҳаларни амалга ошириш бўйича битимлар имзолангани таъкидланди.

Мирзиёев ишбилармонларнинг Ўзбекистонда бизнес юритиш борасидаги фикрлари билан қизиқди.

Шавкат Мирзиёев во время государственного визита в Турцию - Sputnik Ўзбекистон
Шавкат Мирзиёев Туркия Буюк миллат мажлисига ташриф буюрди
Туркиялик ишбилармонлар Мирзиёев раҳбарлигида Ўзбекистонда амалга оширилаётган иқтисодий ислоҳотларни юқори баҳолади. Валюта бозори эркинлаштирилгани, виза олиш тартиби соддалаштирилгани ўзаро ҳамкорликни ривожлантириш учун қулайликлар яратгани таъкидланди.

Мулоқотда Ўзбекистон ва Туркиянинг молия ташкилотлари, фирма ва компаниялари ўртасида алоқаларни янада ривожлантириш, ўзаро маҳсулот етказиб бериш ва хизмат кўрсатишни кенгайтириш масалалари муҳокама қилинди.

Янгиликлар лентаси
0