Жамият

Америка компанияси Ўзбекистонда биоматериаллар лабораториясини ишга туширмоқчи

© Sputnik / Максим Богодвид / Фотобанкка ўтишРабота за микроскопом в лаборатории
Работа за микроскопом в лаборатории - Sputnik Ўзбекистон
Ўзбекистонда республикадаги барча беморларнинг ягона ахборот базаси яратилади

ТОШКЕНТ, 10 ноя — Sputnik. Американинг US Incorported компанияси Ўзбекистонда кенг миқёсдаги диагностика текширув тизимларини ишлаб чиқаришни ташкил этиш бўйича лойиҳани амалга оширишни режалаштирмоқда, деб хабар берди Sputnik мухбири.

Соғлиқни сақлаш вазирлигидаги манбанинг айтишича, умумий қиймати 10 миллион доллар бўлган мазкур лойиҳа 2018-2019 йиллар давомида икки босқичда амалга оширилади. Биринчи босқичда молекуляр диагностика инновацион лабораторияси, иккинчи босқичда эса барча беморларнинг ягона ахборот базаси ташкил этилади.

"Америка технологияси нафақат инсон биоматериаллари (соч, тук, тери, тирноқ, қон ва бошқа нарсалар), балки тупроқ ва сув намуналарини ҳам тадқиқ қилиш имконини беради. Унинг учун биореагентларни Ўзбекистоннинг ўзида ишлаб чиқариш режалаштирилмоқда. Шунингдек, унинг ёрдамида жониворлар касалликларини ўрганиш бўйича хизматлар ҳам кўрсатилади", — деди Америка компанияси вакили.

Республикада ишлаб чиқарилиши йўлга қўйиладиган диагностика тизимлари турли касалликларни дастлабки босқичида аниқлаш имконини беради ва даволаш самарадорлиги ошади. Манбанинг маълум қилишича, Америка томони шунингдек, Ўзбекистонда маълум бир қисми хорижга экспорт қилинадиган тиббиёт техникаси ишлаб чиқаришни ҳам ташкил қилмоқчи.

Президент Узбекистана Шавкат Мирзиёев - Sputnik Ўзбекистон
Сиёсат
Мирзиёевдан ташхис: Соғлиқни сақлаш соҳасида ҳали қиладиган ишларимиз кўп

Томонлар тез орада лойиҳани амалга ошириш ва республика ҳудудида қўшма корхона ташкил этишни кўзламоқда.

Эслатиб ўтамиз, яқинда Ўзбекистон президенти фармони билан "Ўзфармсаноат" концерни тугатилиб, Соғлиқни сақлаш вазирлиги ҳузурида Фармацевтика тармоғини ривожлантириш агентлиги ташкил этилди.

Агентликка фармацевтика корхоналари ва ташкилотларининг фаолиятини мувофиқлаштириш, аҳоли ва давлат соғлиқни сақлаш муассасаларини дори воситалари, тиббиёт буюмлари ҳамда тиббиёт техникалари билан таъминлаш дастурларини амалга ошириш бўйича вазифалар юклатилди.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала