ТОШКЕНТ, 14 ноя — Sputnik. Қирғизистон Баткент вилоятида содир бўлган автомашиналар тўқнашуви натижасида 3 нафар киши ҳалок бўлди, деб хабар қилди Sputnik Қирғизистон ИИВ матбуот хизмати хабарига асосан.
Ушбу автоҳалокат бугун эрталаб Лейлекс тумани 24 км Исфара — Ўш трасса йўлида содир бўлди.
Honda Stepwgn ва ВАЗ-2107 русумли автомашиналар юзма-юз тўқнашдилар.
Матбуот хизмати хабарига кўра, Honda Stepwgn машинасида бўлган 28 ёшли ҳайдовчи, 69 ёшли йўловчи ҳамда "Жигули" машинасида бўлган 30 ёшли ҳайдовчи — Баткент ИИБ ходими воқеа жойида ҳалок бўлди.
"Милиция ходими тўғрисида маълумотларга аниқлик киритилмоқда. Маълум бўлишича, унинг оиласида 3 нафар фарзанд бўлган. Тўқнашувда 8 нафар киши жабрланган, улар ичида ўзбекистонликлар ҳам бор. Ҳозирча қайси автомашина қарама-қарши йўлга чиққанлиги номаълум. Тўқнашув бўйича барча экспертизалар тайинланган", — дейилган матбуот хизмати хабарида.
ЙТҲ ҳолати юзасидан жиноий иш қўзғатилди.
