Тижорат банкларининг чет эл валютасида операцияларни амалга ошириш лицензиялари тугатилди

© Баходыр МамаджановЦентральный банк Республики Узбекистан
Центральный банк Республики Узбекистан - Sputnik Ўзбекистон
Oбуна бўлиш
Тижорат банкларининг чет эл валютасида операцияларни амалга ошириш учун берилган лицензияларининг амал қилиши тугатилди ва банк операцияларини амалга ошириш ҳуқуқини берувчи лицензиялари қайта расмийлаштириб берилди.

ТОШКЕНТ, 15 ноя — Sputnik. Марказий банк тижорат банкларига хорижий валютада операцияларни амалга ошириш бўйича лицензия бериш амалиёти бекор қилди. Бу ҳақда Марказий банк матбуот-хизмати хабар қилди.

Ўзбекистон Марказий банки хорижий валюталар курсини янгилади
"Ўзбекистон Республикаси Президентининг 2017 йил 10 августдаги "Заргарлик саноатини давлат томонидан қўллаб-қувватлаш чора-тадбирлари тўғрисида"ги қарори ҳамда 2017 йил 2 сентябрдаги "Валюта сиёсатини либераллаштириш бўйича биринчи навбатдаги чора-тадбирлар тўғрисида"ги фармони ижросини таъминлаш мақсадида "Ўзбекистон Республикасининг Марказий банки тўғрисида"ги қонуннинг 17-моддасига мувофиқ Марказий банк Бошқарувининг тегишли қарорлари билан мамлакатимиздаги барча тижорат банкларининг чет эл валютасида операцияларни амалга ошириш учун берилган лицензияларининг амал қилиши тугатилди ва банк операцияларини амалга ошириш ҳуқуқини берувчи лицензиялари қайта расмийлаштириб берилди.

Бундан олдин Марказий банк томонидан тижорат банкларига "Тижорат банкларига чет эл валютасида операцияларни амалга ошириш учун лицензиялар бериш қоидалари"га мувофиқ Бош лицензия, "Банкларни рўйхатга олиш ва улар фаолиятини лицензиялаш тартиби тўғрисида"ги Низомга асосан миллий валютада операцияларни амалга ошириш ҳуқуқини берувчи лицензиялар берилар эди.

"Валюта сиёсатини либераллаштириш бўйича биринчи навбатдаги чора-тадбирлар тўғрисида"ги фармон талабларига мувофиқ тижорат банкларига хорижий валютада операцияларни амалга ошириш бўйича лицензия бериш амалиёти бекор қилинди.

Тижорат банкларининг хорижий валюта билан операциялари банк фаолиятини амалга ошириш ҳуқуқини берувчи лицензия асосида амалга оширилиши белгиланди.

Янгиликлар лентаси
0