Атамбаев: Қозоғистонни танқид қилиш менга кайф беради

© Sputnik / Алексей Дружинин / Медиабанкка ўтишПрезидент Киргизии Алмазбек Атамбаев
Президент Киргизии Алмазбек Атамбаев - Sputnik Ўзбекистон
Oбуна бўлиш
Қирғизистон президенти Қозоғистон раҳбариятини танқид қилишда давом этмоқда. Оммавий ахборот воситалари билан сўнгги бор учрашган Алмазбек Атамбаев Қозоғистонни танқид қилиш унга хуш ёқишини маълум қилди

ТОШКЕНТ, 20 ноя — Sputnik. Қирғизистон президенти Алмазбек Атамбаев президент сифатида сўнгги бор матбуот-анжумани ўтказди.

Оммавий ахборот воситалари вакиллар билан учрашувда президент Атамбаев Қирғизистон ва Қозоғистон ўртасидаги чегара можаросига тўхталиб, қўшни мамлакат раҳбариятини яна бир бор танқид остига олди, деб хабар қилмоқда Sputnik Қозоғистон.

Что Атамбаев сказал о ЕАЭС и прихотях одного человека - Sputnik Ўзбекистон
Атамбаев "барабан" бўлган Акаевнинг боши ва айрим подшоҳчаларнинг хархашаси ҳақида гапирди
"Ҳамма нарсани ўз номи билан аташ керак. Бизга қамал эълон қилишди. Ҳамма юклар ўтяпти, лекин ҳайдовчиларимиз бир неча суткалаб навбат кутишларига тўғри келяпти. Биз уларга озиқ-овқат бераяпмиз, тиббий пункт очдик. Мана бугун ҳам, ўйлашимча, миллион сомни озиқ-овқатга ажратаман. Нима бўлса ҳам биз ишимизга бурун суқмоқчи бўлганларга сабоқ бериб қўйдик. Биз бундан фақат кучаямиз, бу ҳолат бизга зарар келтиради, деб ўйламайман. Мен Худога ишонаман, йўлни ёпишдан ва кўприкни бузишдан каттароқ гуноҳ йўқлигини биламан", — деди Атамбаев.

Президентлик постини тарк этаётган Атамбаев Қозоғистон билан муносабатлар яхшиланишига ишонч билдирган ҳолда қўшни давлат раҳбари номига танқидий фикрлар билдиришда давом этди.

"Мен "ишимизга аралашма" маъносида дарс бериб қўйганимдан афсусланмайман. Вазият албата изига тушади, бу ўзини маданиятли давлат қилиб кўрсатаётган Қозоғистон учун ҳам фойдали эмас", — деди у.

Қозоғистонлик депутат ва вазирлар томонидан бўлаётган танқидлар борасидаги саволга жавоб берар экан, Атамбаев ёшлар жаргонидан фойдаланди:

"Мен уларнинг изоҳига матбуот-анжумани бошланишида жавоб берган эдим, лекин яна бир бор қайтаришим мумкин, бу менга кайф беради", — деди Атамбаев.

Қирғизистон президенти мамлакатда ўтказилган президентлик сайловларида иштирок этган Омурбек Бабановни ҳам ёдга олишни унутмади.

Омурбек Бабанов - Sputnik Ўзбекистон
Ўзбеклар ҳуқуқи поймол этилган, деган сўзлари учун Бабановга нисбатан жиноий иш қўзғатилди
"У бошқа мамлакат президентидан оқ фотиҳа олмасдан, унинг олдида тиз чўкмасдан, қозоғистонлик олигархларга сотилмасдан ўз йўлидан кетиши мумкин эди. У ўз халқига қарши чиққани учун Худо унинг жазосини берди. Максим Бакиев билан юриб, ундан бактерия юқтирган бўлса керак", — деди Атамбаев.

Қирғизистонда президентлик сайловлари 15 октябр куни бўлиб ўтди. Мамлакат раҳбарлигига 11 номзод давогарлик қилди. Қирғизистоннинг собиқ Бош вазири Жээнбеков 54,7 % овоз билан ғолиб чиқди.

Янги президент инаугурацияси 24 ноябр санасига белгиланган.

Қирғиз-қозоқ чегарасида муаммолар 10 октябрда бошланди. Қозоғистон ҳукумати илгарироқ бу "қора" импортга қарши кураш оқибатида юзага келди, дея баёнот берган эди.

Янгиликлар лентаси
0