ТОШКЕНТ, 12 дек — Sputnik. Жиззах вилояти, Ғаллаорол туманида 100 дан зиёд "Нексия" автомобиллари "ҳибсга олинди", деб хабар қилди Спутник мухбирига Багарни шаҳарчасида истиқомат қилувчи манба.
Эркак вақтида тез тиббий ёрдам кўрсатилмагани оқибатида ҳаётдан кўз юмган.
Хабарга кўра, йўлда ҳодисага гувоҳ бўлганлар ички ишлар органлари ходимларини ва сўнгра тез тиббий ёрдамни чақиртиришган.
Ички ишлар органлари ходимларига гувоҳлар эркакни уриб кетган машина "Нексия 2" русумига тегишли эканлигини айтишган. Машина рақамини ҳеч ким кўришга улгурмаган.
Айни вақтда Ғаллаорол тумани, хусусан Багарни ва Маржонбулоқ шаҳарчаларида ушбу ҳолат юзасидан қидирув ишлари олиб борилмоқда.
Ҳуқуқ-тартибот органлари ходимларида шубҳа уйғотган автомобиллар текширилиб, эгалари сўроқ қилинаётгани маълум.
Манбанинг сўзларига кўра, айни вақтда 100дан зиёд автомобиллар ҳибсга олинган ва стоянкаларга жойлаштирилган.
