"Худо берган жой": ўзбекистонликлар Иссиқ-Кўлга поездда боришлари мумкин бўлади

© Sputnik / Владислав Ушаков / Фотобанкка ўтишОзеро Иссык-Куль
Озеро Иссык-Куль - Sputnik Ўзбекистон
Ўзбекистон фуқаролари қўшни Қирғизистондаги Иссиқ-Кўлда дам олиш имконига эга бўлишди. Икки давлат раҳбарлари ўтказган музокаралар давомида Иссиқ-Кўлгача темирйўл қатновини йўлга қўйишга келишилди

ТОШКЕНТ, 13 дек — Sputnik. Иссиқ-Кўл — ноёб кўл, ўзбекистонликлар узоқларга эмас, мана шу қўшни давлатдаги ажойиб дам олиш масканида ҳордиқ чиқаришлари учун темир йўл қатновини йўлга қўйишга келишдик, деди журналистлар билан учрашувда чоршанба куни Ўзбекистон президенти Шавкат Мирзиёев.

Визит президента Кыргызстана Сооронбая Жээнбекова в Узбекистан - Sputnik Ўзбекистон
Сиёсат
Мирзиёев: Қирғизистон билан ўртамизда чегаралар бўлмайди
"Одамларимиз у ерга рейслар ташкил қилишимизни анчадан буён кутишаётган эди. Бугун Сооронбай Жээнбеков билан ўтказган музокараларимиз давомида Иссиқ-Кўлгача темирйўл қатновини ташкил қилишга келишдик. Қўшниларимизда мана шундай Худо берган жой бор бўлганида, одамларимизга узоқларга боришдан не ҳожат", — деди Ўзбекистон президенти.

Мирзиёев ўз нутқи давомида, шунингдек, бугунги музокаралар давомида икки мамлакат ўртасида автобуслар қатнови йўлга қўйилиши, Тошкент-Бишкек авиарейсидан ташқари, Тошкент-Ўш янги авиарейсини ташкил қилиш ҳақида ҳам келишувлар бўлганини маълум қилди.

Илгарироқ, икки томонлама муносабатларни ривожлантириш йўлидаги улкан хизматлари учун Шавкат Мирзиёев Қирғизистоннинг "Данакер" ордени билан мукофотлангани ҳақида хабар берган эдик. Юксак давлат мукофотларидан бўлган ушбу орден халқлар ўртасида тинчлик, дўстлик ва ҳамкорликни мустаҳкамлашга, миллатлараро тотувликни асраш, илм-фанни ривожлантириш, миллий маданиятларни яқинлаштириш ва бойитишга катта ҳисса қўшган инсонларга берилади.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала