Ҳодисалар

Ўзбекистон Қаҳрамони вафот этди

© SputnikЦветы
Цветы - Sputnik Ўзбекистон
Абдуғани Абдуллаев Имом Бухорийни қайта тиклашда, Тошкентдаги Хотира хиёбони мажмуаси, Қатағон қурбонлари музейи, Фарғонадаги Марғиноний мажмуасини бунёд этишда ноёб ёғоч ўймакорлиги ишларини бажариб, ўзининг юксак маҳоратини намоён этган. Ўзбекистон президенти ва қатор ҳукумат раҳбарлари ушбу оғир жудолик муносабати билан таъзия билдирмоқда

ТОШКЕНТ, 19 дек — Sputnik. Ўзбекистон Қаҳрамони, моҳир ҳунарманд, Ўзбекистон Бадиий ижодкорлар уюшмаси аъзоси Абдуғани Абдуллаев шу йил 18 декабрь куни вафот этди, деб хабар қилди Ўзбекистон Ҳукумат портали.

Цветы у посольства Бельгии в Москве - Sputnik Ўзбекистон
Жамият
Ўзбекистон ҳукумати Файзулла Муллажонов вафоти муносабати билан таъзия билдирди
Абдуғани Абдуллаев 1953 йилда Фарғона вилоятининг Ўзбекистон туманида уста-ҳунармандлар оиласида туғилди.

У улуғ аждодларимиздан авлодларга ўтиб келаётган халқ амалий санъатининг ноёб дурдоналарини юксак маҳорат билан яратиб, юртдошларимизнинг ҳурмат-эътиборига сазовор бўлди.

Хусусан, Самарқанд вилоятидаги Имом Бухорий, Бухоро вилоятидаги Баҳоуддин Нақшбанд мақбаралари ёдгорликларини қайта тиклашда, Тошкент шаҳридаги Хотира хиёбони мажмуаси, Қатағон қурбонлари музейи, Фарғона вилоятидаги Бурҳониддин Марғиноний мажмуасини бунёд этишда ноёб ёғоч ўймакорлиги ишларини бажариб, ўзининг юксак маҳоратини намоён этди.

Унинг ижодига мансуб наққошлик намуналари нафақат юртимизда, балки хорижий мамлакатлардаги нуфузли кўргазмаларда ҳам намойиш этилиб, юксак эътирофга сазовор бўлган.

Цветы у памятника первому президенту Узбекистана Исламу Каримову - Sputnik Ўзбекистон
Ҳодисалар
Мирзиёев Хоразм вилояти ҳоким ўринбосари вафоти муносабати билан таъзия билдирди
Абдуғани Абдуллаев ёғоч ўймакорлигининг кўп асрлардан буён сақланиб келаётган қадимий ва ноёб турларини келгуси авлодларга етказиш мақсадида устоз-шогирд анъаналарини изчил давом эттириб, миллий ҳунармандчилик сирларини 600 нафардан ортиқ ёшларга ўргатди.

Шунингдек, фаолияти давомида йўқолиб кетаётган ноёб нақш турларини тиклаш, янги услубларни амалиётга жорий этиш ишларида ҳам фидойилик намунасини кўрсатди.

Абдуғани Абдуллаевнинг миллий ҳунармандчилик санъатини ривожлантириш борасидаги хизматлари давлатимиз томонидан муносиб тақдирланди. У Ўзбекистон Республикаси халқ устаси, Ўзбекистон Қаҳрамони унвонлари билан мукофотланган эди.

Моҳир ҳунарманд, миллий амалий санъатимизнинг жонкуяр фидойиси, камтар ва самимий инсон Абдуғани Абдуллаевнинг ёрқин хотираси қалбларимизда ҳамиша сақланиб қолади.

Ш.Мирзиёев, Н.Йўлдошев, Н.Исмоилов, А.Арипов, А.Икрамов, А.Нуриддинов, Ш.Ғаниев.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала