ТОШКЕНТ, 25 дек — Sputnik. Ўзбекистон Фавқулодда вазиятлар вазирлиги матбуот хизмати "Қамчиқ" довони ҳудудида об-ҳаво кескин ўзгариши сабабли шторм ҳақида огоҳлантирди.
Хабарда айтилишича, Ўзгидромет маълумотига кўра, жорий йил 26-27 декабр кунлари "Қамчиқ" довонида ёғингарчилик кутилмоқда, асосан қор кўринишида, вақти-вақти билан кучайиши, туман тушиши, кўринишнинг 50-100 метргача ёмонлашиши, шамолнинг тезлиги 22-25 м/с.гача кучайиши, йўлнинг музлаши кутилмоқда.
Республика бўйлаб 26 декабрь кунидан об-хаво ҳароратининг кескин пасайиб, 27-28 декабр кунлари ҳарорат кечаси 10-15 даража совуқ, кундузи 5-10 даража совуқ бўлади.
