Тошкентда Бутунроссия давлат кинематография институти филиали очилади

© PixabayКинопленка
Кинопленка - Sputnik Ўзбекистон
Oбуна бўлиш
Мазкур олий таълим муассасаси кинематографчиларни етиштириб берувчи дунйодаги нуфузли таълим даргоҳларидан бири бўлиб, ўзбек киноси арбобларининг кўпчилиги айнан мана шу муассасада билим олган

ТОШКЕНТ, 9 янв – Sputnik. Ўзбекистон президенти Шавкат Мирзиёев ҳузурида 2017 йил 29 декабрда кинематография соҳасида амалга оширилган ишлар ва истиқболдаги вазифалар бўйича ўтказилган йиғилиш Баёнида Москва шаҳридаги Бутунроссия давлат кинематография институтининг (ВГИК) Тошкент шаҳар филиалини очиш бўйича таклиф тайёрлаш белгилаб қўйилган. Бу ҳақда Ўзбеккино миллий агентлиги матбуот хизмати маълум қилди.

Президент провел совещание с руководителями сферы культуры и искусства - Sputnik Ўзбекистон
Шавкат Мирзиёев маданият ва санъат соҳаси раҳбарлари билан мажлис ўтказди

Унга кўра, Вазирлар Маҳкамасининг кино соҳасидаги кадрлар тайёрлаш тизимини такомиллаштириш мақсадида Москва шаҳридаги Бутунроссия давлат кинематография институтининг Тошкент шаҳар филиалини очиш бўйича Россия ҳукумати билан музокаралар олиб бориши ва натижаси юзасидан тегишли таклиф тайёрлаши қайд этилган.

Эслатиб ўтамиз, мазкур олий таълим муассасаси кинематографчиларни етиштириб берувчи дунйодаги нуфузли таълим даргоҳларидан бири бўлиб, ўзбек киноси арбобларининг кўпчилиги айнан мана шу муассасада билим олган.

Янгиликлар лентаси
0