Тошкентда Наврўз олди марафони бошланди

Oбуна бўлиш
"Наврўзни соғлом турмуш тарзи билан қарши оламиз", - деб ёзган ўзининг Фейсбукдаги саҳифасида Ўзбекистон Ёшлар Иттифоқи Марказий кенгаши раиси Қаҳрамон Қуронбоев

ТОШКЕНТ, 20 мар — Sputnik. Бугун Ўзбекистон пойтахти Тошкент шаҳрида ва бутун Республика ҳудудида Ёшлар Иттифоқи ташаббуси билан "Нарўз 2018" марафонига старт берилди.

Минглаб Ўзбекистон ёшлари ушбу марафонда иштирок этмоқда.

"Ўзбекистон ёшларининг кайфияти аъло. Республика бўйлаб Ёшлар иттифоқи марафони старт олиш арафасида… Бизни кузатиб боринг", — деб ёзган Қуронбоев ўзининг Фейсбукдаги саҳифасида.

Тошкент шаҳрида ёшлар "Пахтакор" стадионида йиғилишган.

Старт берилишидан олдин марафон иштирокчилари "Ўзбекистон, Ўзбекистон" дея ҳайқириб турдилар.

Тошкентнинг марказий кўчаларида ҳаракат тўсиб қўйилган, йўллар четида Ички ишлар ходимлари ўзларининг байрамона формаларда жамоат тартибини сақлаб турибдилар.

© Кахрамон Куранбаев, фото из ФейсбукаМарафон в Ташкенте
Марафон в Ташкенте - Sputnik Ўзбекистон
Марафон в Ташкенте

Эслатиб ўтамиз, куни кеча Ўзбекистон Ёшлар Иттифоқи Марказий Кенгаши, Жисмоний тарбия ва спорт давлат қўмитаси, Ички ишлар вазирлиги, Соғлиқни сақлаш вазирлиги ҳамда Енгил атлетика федерацияси ҳамкорлигида қабул қилинган "21 март "Наврўз" умумхалқ байрамига бағишланган "Ёшлар марафони"ни ташкил этиш ва ўтказиш тўғрисида"ги қўшма қарорига кўра, жорий йилнинг 20 март куни соат 09:00 дан 12:00 га қадар Тошкент шаҳрида "Ёшлар марафони" ўтказилиши ҳақида хабар берган эдик.

Янгиликлар лентаси
0