ТОШКЕНТ, 18 апр — Sputnik. "Ўзбекистон ҳаво йўллари" Миллий авиакомпанияси 9 майдан бошлаб Тошкент-Истанбул-Тошкент йўналишида қўшимча қатновлар частотасини жорий этмоқда. Бу ҳақда МАК матбуот хизмати хабар берди.
Парвозлар ҳафтанинг чоршанба ва якшанба кунлари замонавий самолётларда қуйидаги жадвал бўйича амалга оширилади:
Чоршанба:
HY-271 Тошкент 11:00 — Истанбул 14:25 ва HY-272 Истанбул 15:45 — Тошкент 22:20.
Якшанба:
HY-273 Тошкент 17:20 — Истанбул 20:45 ва HY-274 Истанбул 22:45 — Тошкент 05:20 +1.
Шу тарзда, МАК Истанбул шаҳрига қатновлар сонини ҳафтасига етти мартадан тўққиз мартагача кўпайтирмоқда.
Эслатиб ўтамиз, март ойида Туркиянинг Turkish airlines авиакомпанияси Истанбулдан Самарқандга мунтазам парвозларни бажара бошлаганди.
