Мирзиёев Эрдўғонга: Ўзбекистоннинг эшиклари сизлар каби яқин қардошларимиз учун доимо очиқ

© Pool Photo via APПрезиденты Узбекистана и Турции Шавкат Мирзиёев и Реджеп Эрдоган
Президенты Узбекистана и Турции Шавкат Мирзиёев и Реджеп Эрдоган - Sputnik Ўзбекистон
Oбуна бўлиш
"Биз Туркия Республикасига улкан сиёсий, иқтисодий ва ҳарбий салоҳиятга эга бўлган, халқаро майдонда обрў-эътибори тобора ортиб бораётган йирик давлат сифатида қараймиз. Ота юртингиз - Ўзбекистоннинг эшиклари сизлар каби яқин қардошларимиз учун доимо очиқ", деди Мирзиёев

ТОШКЕНТ, 1 май — Sputnik. Ўзбекистон президенти Шавкат Мирзиёев Кўк-саройда бўлиб ўтган ОАВ вакиллари иштирокидаги брифингда Ўзбекистон ва Туркия ўртасида Стратегик шериклик олий кенгаши тузилади, дея маълум қилди.

"Музокаралар халқларимиз ўртасидаги азалий дўстлик ва қардошлик анъаналарига мос ҳолда, очиқ, сермазмун ва самарали бўлди. Ҳамкорлигимизнинг бугунги ҳолати холисона баҳоланиб, унинг устувор йўналишлари ва истиқболдаги вазифалари аниқ белгилаб олинди. Икки давлат раҳбарлари раислигида Стратегик шериклик олий кенгаши тузиш бўйича келишувга эришилди", деди Мирзиёев.

Президенты Узбекистана и Турции - Шавкат Мирзиёев и Реджеп Эрдоган - Sputnik Ўзбекистон
Ўзбекистон ва Туркия ўртасида 20 дан ортиқ ҳужжат имзоланди
Шунингдек, минтақавий ва халқаро аҳамиятга молик долзарб масалалар, Бирлашган Миллатлар Ташкилоти ва Ислом ҳамкорлик ташкилоти доирасидаги алоқаларни мустаҳкамлаш бўйича томонларнинг ёндашувлари ўхшаш ва муштарак экани таъкидланди.

"Биз Туркия Республикасига улкан сиёсий, иқтисодий ва ҳарбий салоҳиятга эга бўлган, халқаро майдонда обрў-эътибори тобора ортиб бораётган йирик давлат сифатида қараймиз. Ота юртингиз — Ўзбекистоннинг эшиклари сизлар каби яқин қардошларимиз учун доимо очиқ", деди Мирзиёев.

Туркия президенти Ражаб Тойиб Эрдоғон музокаралар ўзаро англашув, манфаатдорлик ва ишонч асосида ўтганини, Туркия ва Ўзбекистон ҳамкорлиги янада мустаҳкамланиб, стратегик даражага кўтарилганини таъкидлади. Кўлами ва аҳамияти катта бўлган келишувларга эришилганидан, эртага Бухородаги муборак қадамжоларни зиёрат қилажагидан бахтиёр эканини билдирди.

Янгиликлар лентаси
0