Абдулазиз Камилов Душанбега ташриф буюради

© Sputnik / Сергей Пятаков / Медиабанкка ўтишМинистр иностранных дел Узбекистана Абдулазиз Камилов
Министр иностранных дел Узбекистана Абдулазиз Камилов - Sputnik Ўзбекистон
Oбуна бўлиш
Камилов "Терроризм ва зўравон экстремизмга қарши кураш тўғрисида"ги юқори даражадаги халқаро конференцияда иштирок этади.

ТОШКЕНТ, 1 май — Sputnik. Ўзбекистон Ташқи ишлар вазири Абдулазиз Камилов терроризмга қарши кураш масалалари бўйича халқаро конференцияда иштирок этиш учун Тожикистонга боради.

Бу ҳақда Sputnik Тожикистон Тожикистон телеграф агентлигига асосланган ҳолда хабар қилди.

"Ўзбекистон Ташқи ишлар вазири Абдулазиз Камилов 3-4 май кунлари Душанбега ташриф буюради. У "Терроризм ва зўравон экстремизмга қарши кураш тўғрисида"ги юқори даражадаги халқаро конференцияда иштирок этади", — дейилган хабарда.

Душанба конференциясида 400 нафардан ортиқ меҳмонлар иштирок этиши кутилмоқда: дунёнинг 50 та давлатлардан соҳавий вазирлик ва идора ходимлари, шунингдек 30 та халқаро ташкилотлар ва институтлар.

Конференция қатнашчилари олдида Тожикистон президенти Эмомали Раҳмон чиқиш қилиши кутилмоқда.

Янгиликлар лентаси
0