Бугун Тошкентда катта профессионал бокс кечаси бўлиб ўтади

© olamsportПрофессиональные боксеры Азизбек Абдугофуров и Дмитрий Чудинов
Профессиональные боксеры Азизбек Абдугофуров и Дмитрий Чудинов - Sputnik Ўзбекистон
Oбуна бўлиш
Бугунги бокс оқшомида WBC Silver чемпионлик камари соҳиби ҳисобланган Қудратилло Абдуқаҳҳоров, шунингдек Жамшид Нажмиддинов, Олим Назаров сингари таниқли ўзбек боксчилари ҳам рингга кўтарилади.

ТОШКЕНТ, 5 май — Sputnik. Бугун Тошкентдаги "Ўзбекистон" спорт мажмуасида профессионал бокс кечаси ўтказилади, деб хабар бермоқда Оламспорт.

Оқшомнинг марказий жанги ўзбекистонлик Азизбек Абдуғофуров иштирокида бўлади. У вакант бўлиб турган WBC Silver чемпионлик камари учун россиялик машҳур боксчи собиқ жаҳон чемпиони Дмитрий Чудиновга қарши рингга кўтарилади.

Узбекский боксер Азизбек Абдугофуров - Sputnik Ўзбекистон
Азизбек Абдуғофуров: чемпионлик жангида мухлислар қўллаб-қувватлови менга далда бўлади

Маълумот учун, Абдуғофуров профессионал рингдаги фаолияти давомида 10та жанг ўтказиб, уларнинг барчасида ғалаба қозонган (4тасида нокаут билан). Тажрибали Чудинов эса 25та жангда қатнашган ва уларнинг 21тасида ғалаба қозонган (13таси нокаут билан). Икки жангда мағлубиятга учраган бўлса, яна иккита тўқнашувда дуранг қайд этган.

Бугунги бокс оқшомида WBC Silver чемпионлик камари соҳиби ҳисобланган Қудратилло Абдуқаҳҳоров, шунингдек Жамшид Нажмиддинов, Олим Назаров сингари таниқли ўзбек боксчилари ҳам рингга кўтарилади.

Бугунги бокс оқшоми жуфтликлари:

Азизбек Абдуғофуров — Дмитрий Чудинов (Россия)

Қудратилло Абдуқаҳҳоров — Тваха Кидуку (Танзания)

Жасур Аҳмаджонов — Стеви Онген Фердинандус (Индонезия)

Олимжон Назаров — Хвича Гиголашвили (Грузия)

Жамшид Нажмиддинов — Каха Аветисиани (Грузия)

Умид Рустамов — Давид Рибакони (Грузия)

Улуғбек Собиров — Жоржи Унгиадзе (Грузия)

Анвар Туробов — Рой Мухлис (Индонезия).

Янгиликлар лентаси
0