Иқтисод

Жаҳон банки Ўзбекистонга 940 миллион доллар ажратди

© pixabayДоллары США
Доллары США - Sputnik Ўзбекистон
Ажратилган маблағлар Ўзбекистонда боғдорчиликни ривожлантириш, шошилинч тиббий ёрдам тизимини такомиллаштириш, саноат корхоналарининг энергия тежамкорлигини ошириш бўйича янги лойиҳаларни молиялаштириш учун йўналтирилади.

ТОШКЕНТ, 18 май — Sputnik. Куни кеча Бутун жаҳон банки ва Ўзбекистон умумий миқдори 940 миллион долларлик кредит шартномасини имзолашди, деб хабар қилди Sputnik мухбири.

Президент Узбекистана Шавкат Мирзиёев посетил Пентагон США - Sputnik Ўзбекистон
Сиёсат
Шавкат Мирзиёев Пентагонда АҚШ мудофаа вазири билан қандай масалаларни муҳокама қилди

Бу келишувлар Ўзбекистон президенти Шавкат Мирзиёев АҚШга ташрифи доирасида Жаҳон банки президенти Жим Ёнг Ким учрашув чоғида имзоланди.

Ажратилган маблағлар Ўзбекистонда боғдорчиликни ривожлантириш, шошилинч тиббий ёрдам тизимини такомиллаштириш, саноат корхоналарининг энергия тежамкорлигини ошириш, иситиш тармоқларини модернизациялаш, молиявий консултатив хизмат кўрсатиш соҳалари бўйича янги лойиҳаларни молиялаштириш учун йўналтирилади.

Бу кредитлар Жаҳон банкининг Ўзбекистондаги лойиҳа портфелини 2,8 миллиард долларга кўпайтирди. Бугунги кунда у транспорт, таълим, қишлоқ хўжалиги, ирригация ва сув таъминоти лойиҳаларни ўз ичига олади.

"Мен Ўзбекистондаги ислоҳотларнинг кўлами ва самарадорлигидан мамнунман. Жаҳон банки гуруҳи республиканинг самарали ривожланиш дастурига ва Ўзбекистон ҳукумати томонидан ўзбек халқи келажагини янада яхшилашга қаратилган саъй-ҳаракатларга экспертлик ва молиявий кўмак беришни давом этади", — деди Джим Ёнг Ким.

Бундан ташқари, Жаҳон банки гуруҳига кирувчи Халқаро молиявий корпорация (IFC) билан маслаҳат бериш хизматлари тўғрисида битим имзоланди.

Бу ташкилот Ўзбекистондаги қуёш электростанцияларини молиялаштириш, лойиҳалаштириш, қуриш ва ишлатиш, хусусий инвесторларни жалб қилиш учун давлат-хусусий сектор ҳамкорлигини ривожлантиришга кўмак беради. Шунингдек, корпорация бу каби лойиҳаларни амалга ошириш учун 1 миллиард долларгача инвестиция жалб қилишга кўмак беради.

Яна бир имзоланган ҳужжат — Жаҳон банки ва Ўзбекистон ўртасида ўзаро англашув меморандуми бўлиб, у икки томонлама ҳамкорликнинг асосий йўналишларини белгилаб беради.

Президент Узбекистана Шавкат Мирзиёев и Президент США Дональд Трамп - Sputnik Ўзбекистон
Сиёсат
Дональд Трамп кучли ва мустақил Марказий Осиёнинг муҳимлигини қайд этди

"Ўзбекистон тўғри йўлда. Республикада олиб борилаётган мардонавор иқтисодий ва ижтимоий ислоҳотлар, ишбилармонлик муҳитини яхшилаш ва давлат институтларини мустаҳкамлаш ишлари хусусий сектор инвестицияларини жалб қилиш, иш ўринларини яратиш, шунингдек мамлакатни Марказий Осиё ва жаҳоннинг етакчи иқтисодиётига айлантиришга ёрдам беради. Мен Ўзбекистоннинг барча фуқароларига фойда келтирадиган кейинги ислоҳотларни амалга ошириш бўйича ҳукуматнинг саъй-ҳаракатларини қўллаб-қувватлайман", — деб таъкидлади Джим Ёнг Ким.

Таъкидлаш жоизки, Жаҳон банки гуруҳи ҳозирги пайтда Ўзбекистон ҳукумати ислоҳотлар дастурини қўллаб-қувватлаш мақсадида республика билан ҳамкорлик қилиш концепциясини қайта кўриб чиқмоқда.

Банк вакилларининг сўзларига кўра, банкнинг асосий вазифаси — Ўзбекистонда бозор иқтисодиётини қуриш, давлат институтларини ислоҳ қилиш, фуқароларнинг қарор қабул қилишда иштирокини кенгайтириш ва мамлакатда таълим, соғлиқни сақлаш ва ижтимоий ҳимоя қилиш тизимини янада ривожлантиришга инвестициялар ажратиш борасида Ўзбекистонга кўмаклашишдир.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала