"Солиқда ўйинлар кўп бўлган": Мирзиёев Ботир Парпиев нега ишдан олинганига изоҳ берди

© AP Photo / Anvar IlyasovПрезидент Узбекистана Шавкат Мирзиёев
Президент Узбекистана Шавкат Мирзиёев - Sputnik Ўзбекистон
Oбуна бўлиш
Парпиев жорий йилнинг 11 май куни Давлат солиқ қўмитаси раислигидан олинган. 19 май куни эса у Ўзбекистон таэквондо WTF ассоциациясининг раҳбарлигидан ҳам озод этилган

ТОШКЕНТ, 29 май — Sputnik. Шавкат Мирзиёев Ботир Парпиев нега ишдан олинганини айтди, деб хабар қилди "Кун уз" нашри.

Таъкидланишича, Шавкат Мирзиёев раҳбарлигида видеоселектор йиғилиши бўлиб ўтмоқда. 

Пустое кресло - Sputnik Ўзбекистон
Ботир Парпиевнинг ТИВда ишлайдиган ўғли ишдан олинди
Ўзбекистон раҳбари ушбу йиғилишда нима учун Ботир Парпиев ишдан олинганига изоҳ берган.

"Экспортни қилмаган одам эртага биз билан ишлай олмайди. Бу ўша раҳбар ҳозирги шароитга муносиб эмаслигидан далолат беради. 1 доллар экспорт қилмаган раҳбар боши билан жавоб беради. Об-ҳаво шароити оғир бўлишини ҳам йил бошида айтиб, тегишли топшириқлар берганмиз. Импорт қандай давом этаётган бўлса, шундай давом этмоқда. Прокуратура менга ҳеч кимни жавобгарликка тортиш бўйича таклиф бергани йўқ. Яна бир муҳим масала — маҳаллий бюджетга тушум ҳажми. Давлат солиқ қўмитаси раҳбари (Ботир Парпиев)ни алмаштирганим бежиз эмас, сабаби бизда солиқ тизими йўқ. Ҳали иш кўп.

Солиқда ҳам кўп ўйинлар бўлгани, раҳбарияти қандай ишлар билан шуғулланганидан ҳайрон қолдим. Ҳали уни ҳам халқимизга етказамиз. Ана шуларнинг ҳисобга олиб, энди тегишли масъул ходимлар ҳар куни экспорт-импортдан ташқари, тушум билан икки соатдан шуғулланмаса, тушумда тартиб бўлмайди. Солиқчининг савияси йўқ, десак бу ҳам адолатдан бўлади. Шунинг учун бугун топшириқ бердим, тегишли қарор тайёрланади, ҳаммасини нолдан бошлаш керак — солиқ тизимидаги Академияни ҳам, бошқасини ҳам. Қуйи поғонадаги солиқчилар нима қилиш керак, қандай ишлаш кераклигини билмайди. 70 фоизи коррупция билан боғлиқ, мана шуни ҳамма билиши керак, — деб айтган давлат раҳбари.

Парпиев жорий йилнинг 11 май куни Давлат солиқ қўмитаси раислигидан олинган. 19 май куни эса у Ўзбекистон таэквондо WTF ассоциациясининг раҳбарлигидан ҳам озод этилган.

Янгиликлар лентаси
0