Иқтисод

Хитой компанияси Ўзбекистонда электромобиллар ишлаб чиқармоқчи

© Sputnik / Евгений Биятов / Фотобанкка ўтишЗарядка аккумуляторов электромобиля.
Зарядка аккумуляторов электромобиля. - Sputnik Ўзбекистон
Биринчи босқичда 15-20 млн. АҚШ доллари миқдорида инвестиция киритиш ва 100–150 та иш ўринлари ташкил қилиш мўлжалланмоқда. Сўнгра бир йилда мингта йирик узелли электромобиллар (Шевроле Спарк ва Нексияга ўхшаш) йиғиш мумкин бўлади.

ТОШКЕНТ, 9 июн — Sputnik. Хитойнинг Changan Automobile Group компанияси Ўзбекистонда электромобиллар йиғиш цехини қуриш ниятида. Бу ҳақда Инновацион ривожланиш вазирлиги матбуот хизмати хабар берди.

Ушбу компания вакиллари Инновацион ривожланиш вазирлигида учрашув ўтказдилар ва Фарғона водийсида жойлашиши мумкин бўлган электромобиллар йиғиш цехини қуриш ниятлари борлигини маълум қилдилар.

Инновация вазири ўринбосари Отабек Назиров мазкур лойиҳа амалга оширилишини жадаллаштириш учун бор имкониятларни ишга солишга, тегишли ташкилотлар ва давлат органлари билан мулоқотга амалий ёрдам бериб, қўллаб-қувватлашга тайёр эканини билдирди.

Электрокар Tesla принадлежащий двум путешественникам из Швейцарии Магдалене и Бенедикту - Sputnik Ўзбекистон
Иқтисод
“Ўзавтосаноат” электромобиллар ишлаб чиқариш бўйича иш олиб бормоқда

Томонлар тез кунларда ҳамкорлик тўғрисидаги меморандумни имзолашга келишиб олишди.

Биринчи босқичда 15-20 млн. АҚШ доллари миқдорида инвестиция киритиш ва 100–150 та иш ўринлари ташкил қилиш мўлжалланмоқда. Сўнгра бир йилда мингта йирик узелли электромобиллар (Шевроле Спарк ва Нексияга ўхшаш) йиғиш мумкин бўлади.

Иккинчи босқичда эса республикадаги мавжуд корхоналарнинг қувватини жалб этган ҳолда ишлаб чиқариш маҳаллийлаштирилади ҳамда тўғридан-тўғри ва қўшимча иш ўринлари сони ошишига эришилади.

Changan Automobile Group Co Ltd энг кўп автомобил ишлаб чиқарувчи Хитой автомобиль компанияларининг “катта тўртлиги”га киради. Автокомпаниянинг Ford Motor, Suzuki Motor, Mazda Motor ва PSA Peugeot Citroen каби йирик концернлар билан қўшма корхоналари мавжуд.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала