ТОШКЕНТ, 16 июн — Sputnik. Тошкентнинг Юнусобод туманидаги "Юнусобод" маҳалласида воркаут (кўча гимнастикаси) ихлосмандлари учун бепул майдонча очилди, деб хабар берди Podrobno.uz.
Майдончада истаган киши шуғулланиши мумкин.
Барча спорт жиҳозлари Ўзбекистонда тайёрланган бўлиб, тажрибали воркаут-спортчилар томонидан синовдан ўтган.
Майдонча очилган куни Street Workout Uzbekistan ҳамжамияти фаоллари маҳаллий аҳолига жиҳозларда қандай шуғулланиш бўйича мастер-класс кўрсатишди.
Яқин кунларда пойтахтнинг бошқа туманларида ҳам мана шундай майдончалар пайдо бўлиши мумкин.
