ТОШКЕНТ, 27 июн — Sputnik. АҚШ президентининг миллий хавфсизлик бўйича маслаҳатчиси Жон Болтон чоршанба куни Москвада Россия ТИВ раҳбари Сергей Лавров билан музокаралар ўтказади, деб хабар берди РИА Новости.
Июнь ойининг ўрталарида, Трамп ўз интервьюларининг бирида яқин вақтда Путин билан учрашиши мумкинлигига умид билдиргач, Москва ва Вашингтон ўртасидаги олий даражадаги учрашувларни ташкил этиш бўйича алоқалар сезиларли фаоллашув қайд этилган эди. Шундан сўнг Times нашри АҚШ маъмуриятидаги мансабдорлар икки етакчи учрашуви июль ойида, НАТО саммитидан олдин ёки ундан кейин бўлиб ўтишини мўлжаллашаётгани ҳақида хабар қилган эди.
Москвада ҳозирча олий даражадаги учрашувга тайёргарлик жараёнини тасдиқлашгани ва инкор этишгани ҳам йўқ. Россия президенти матбуот-котиби Дмитрий Песков журналистлар билан суҳбатда Болтон чоршанба куни Кремлда қабул қилинадими деган саволга очиқ жавоб бермади, агар Путин у билан учрашса "биз сизларга хабар берамиз", — дейиш билан кифояланди.
Ҳамкасблари орасида "Қирғий" дея ном қозонган консерватор Жон Болтон ҳурпайган мўйловга эга ва улар, миш-мишларга қараганда Дональд Трампга ёқмайди. Болтон апрел ойида АҚШ президентининг миллий хавфсизлик бўйича маслаҳатчиси лавозимига тайинланган.
АҚШ Давлат котибининг собиқ ўринбосари Болтон муросасиз ноеконсерватор довруғини қозонган. У ҳамиша КХДРга нисбатан ҳам Эронга нисбатан ҳам кескин ва қатъиятли бўлиб келган.
