Пенза вилоятида автобуси бузилиб қолган ўзбекистонликларга ФВВ ёрдам берди

© Sputnik / Антон КурилкинАвтомобили на трассе
Автомобили на трассе - Sputnik Ўзбекистон
Oбуна бўлиш
Бузилиб қолган автобус йўловчилари, Россия ФВВси ёрдами билан, Ўзбекистон томон сафарларини давом эттиришмоқда.

ТОШКЕНТ, 5 июл — Sputnik. Пенза шаҳри яқинида, автобуси бузилиб қолган ўзбекистонликларга Россия Фавқулодда вазиятлар вазирлиги ёрдам берди, деб хабар қилмоқда Ўзбекистон элчихонаси.

Междугородние автобусы - Sputnik Ўзбекистон
Меҳнат мигрантларини ташиш учун юз дона автобус сотиб олинади

Хабарда айтилишига кўра, 70 кишини олиб кетаётган йўловчи автобус узатмалар қутиси бузилиши туфайли Нижнеломовск ва Макшанск туманлари чегарасида бузилиб қолган. Воқеа жойига етиб келган маҳалиий ФВВ ходимлари автобусни тузатишга ёрдам беришган.

Ундан ташқари, йўловчиларга иссиқ овқат, меҳмонхонадан жой ва тиббий ёрдам таклиф қилинган, лекин улар ушбу хизматлардан воз кечишган. Автобус 4 июл куни соат 13:30 да Ўзбекистон томон йўл олган.

Эслатиб ўтамиз, бироз олдин бир қатор маҳаллий ОАВларида 100га  яқин ўзбекистон фуқаролари автобус бузилиши натижасида Москвада 600 км узоқликда йўлда қолиб кетишгани ҳақидаги хабарлар тарқалган эди. Бу ҳақида йўловчиларнинг ўзлари ёрдам сўраб ижтимоий тармоққа видеомурожаатнома жойлаштирган эди.

Янгиликлар лентаси
0