ТОШКЕНТ, 6 июл – Sputnik. Ўзбекистон президенти Шавкат Мирзиёев, бугун 5 июл куни, Нурсултон Назарбаевнинг таклифига биноан Қозоғистонга жўнаб кетади, деб хабар қилди президент матбуот котиби Комил Алламжонов.
“Шавкат Мирзиёев Президент Нурсултон Назарбоевнинг таклифига биноан 5 июль куни Қозоғистонга жўнаб кетади. Давлатимиз раҳбари 6 июль куни Остона шаҳрининг 20 йиллигига бағишланган юбилей тадбирида иштирок этади.
Қозоғистонга ташриф чоғида икки томонлама учрашувлар ўтказилиши ҳам режалаштирилган”, - дейилган хабарда.
Эслатиб ўтамиз, кеча Қозоғистон ОАВларида Шавкат Мирзиёевнинг Нурсултон Назарбаевнинг туғилган куни арафасида йўллаган табрик сўзлари ҳамда махсус видеохабар эълон қилинган эди.
