ТОШКЕНТ, 6 июл - Sputnik. Пулково аэропорти жадвалида "Уральские авиалинии" авиакомпаниясининг Урганч, Бухоро ва Фарғонага парвозлар рўйхати пайдо бўлди.
Айни пайтда авиаташувчининг жадвалида Санкт-Петербургдан Бухорога Airbus A320 самолётида 2 октябрдан 23 октябргача сешанба кунларидаги парвозлари рўйхати мавжуд. Чипта нархи бир томонга 11 минг рублдан бошланади. Ўша даврда шунингдек Airbus A321 самолётида Урганчга парвозлар амалга оширилади. Парвоз нархи 11 минг рублдан бошланади.
Фарғонага рейслар 11 октябрдан 25 октябрга қадар пайшанба кунлари Airbus A321 самолётида амалга оширилади. Чипта нархи 11 минг рублдан бошланади.
Аввалроқ "Уральские авиалинии" 18 июлдан Сочидан Тошкентга мунтазам рейслар қўйишини эълон қилганди.
