ТОШКЕНТ, 9 июн — Sputnik. Медиаметрик изланишлар Марказининг етакчи мутахассиси Игорь Николайчук Америка ва европаликларнинг миллий ментатилитети ҳақида қуйидагиларни айтиб берди.
“Миллий қадриятлар ҳақида гап кетганда, ушбу мамлакатларда бойларга нисбатан муносабат бутунлай бошқачадир. Бу ҳақида 50 йиллларда машҳур бўлган франциялик ёзувчи Пьер Данинос жуда аниқ гап айтган.
Америкалик камбағалнинг ёнидан қимматбаҳо автомобил ўтиб қолса, у ушбу автомобилни тўхтатиб, унинг ичидаги миллиардернинг ўрнида ўзи бўлишни чин дилдан истайди. Агар худди шундай ҳолат Францияда юз берса, ҳар қандай камбағал ўша бой одам автомобилдан тушиб, барча каби пиёда юришини истайди. Мана сизга миллий менталитетнинг фарқи,” – дейди Николайчук.
Эслатиб ўтамиз, “миллий менталитет” деганда бирор миллат ёки халқнинг йиллар давомида шаклланган хусусият ва қадриятлари назарда тутилади.
