Тошкентда хлор сизиб чиқиши оқибатида бир киши вафот этди, 18 киши жабрланди

© Sputnik / Павел Лисицын / Медиабанкка ўтишСкорая медицинаская помощь, архивное фото
Скорая медицинаская помощь, архивное фото - Sputnik Ўзбекистон
Oбуна бўлиш
Бектемир туманидаги саноат ҳудудида жойлашган корхоналардан бирида хлор билан ишлаш жараёнида хлор моддаси контейнерида ёрилиш содир бўлган.

ТОШКЕНТ, 14 июл - Sputnik. Тошкентда хлор моддаси контейнерида ёрилиш содир бўлиши натижасида бир киши вафот этди, 18 киши заҳарланди, деб хабар берди Ўзбекистон ФВВ матбуот хизмати.

Вазирликнинг билдиришича, 14 июл куни соат 02:30 ларда Бектемир туманидаги саноат ҳудудида жойлашган корхоналардан бирида хлор билан ишлаш жараёнида хлор моддаси контейнерида ёрилиш содир бўлган.

"Натижада, 1 нафар фуқаро воқеа жойида вафот этган, 18 нафар ишчилар хлор моддасидан заҳарланиш ташҳиси билан Республика шошилинч тиббий ёрдам илмий маркази Тошкент вилояти филиалига жойлаштирилди", - дейилади вазирлик хабарномасида.

Хабарда айтилишича, Республика шошилинч тиббий ёрдам илмий маркази Тошкент вилояти филиалига ётқизилган 13 нафар ёлланма ишчилар соғлиги тўлиқ тикланганлиги сабабли 14 июл куни соат 10:30да уйларига рухсат берилган.

Янгиликлар лентаси
0