Жамият

Энг кўп ўртача иш ҳақи Тошкентда, энг ками эса Наманганда - Статистика қўмитаси

© REUTERS / Mukhammadsharif MamatkulovУзбекская валюта - сум
Узбекская валюта - сум - Sputnik Ўзбекистон
Тошкент шаҳрида ўртача ойлик иш ҳақи миқдори 2 252,1 минг сўмни ташкил этган

ТОШКЕНТ, 15 июл – Sputnik. 2018 йил январ-июн ойларида Ўзбекистонда ўртача ойлик иш ҳақининг юқори миқдори Тошкент шаҳрида қайд этилди, деб маълум қилди Давлат статистика қўмитаси.

Маълумот берилишича, Тошкент шаҳрида ўртача ойлик иш ҳақи миқдори 2 252,1 минг сўмни ташкил этган бўлиб, республикадаги ўртача ойлик иш ҳақига нисбатан 140 %га кўпдир.

Узбекская валюта - сум - Sputnik Ўзбекистон
Аналитика
Ўзбекистонда қайси соҳа ходимлари маоши энг тез суръатларда ортганлиги маълум қилинди

Навоий вилоятида бу миқдор 2 153 минг сўмни (133,8 %) ва Тошкент вилоятида 1 768,5 минг сўмни (109,9 %) ташкил этган.

Бу кўрсаткич Наманган вилоятида 1 263,3 минг сўмни (78,5 %), Самарқанд вилоятида 1 273,6 минг сўмни (79,2 %) ташкил этиб, бошқа ҳудудларга нисбатан кам миқдорга эга бўлган.

Статистика қўмитасининг таҳлилига кўра, 2018 йил январ-июн ойларида Ўзбекистонда ўртача ойлик номинал ҳисобланган иш ҳақи 1 609,1 минг сўмни ташкил этган. Бунда иш ҳақига устама, мукофот, рағбатлантириш хусусиятига эга тўловлар, компенсация ва ишланмаган вақт учун ҳақ каби тўловлар киритилган, шунингдек унинг таркибида жисмоний шахслар даромад солиғи, ижтимоий суғурта ва касаба уюшмасига тўловлар ҳам мавжуд.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала