Абдулазиз Камилов АҚШда дин эркинлиги масалаларини муҳокама қилади

© Sputnik / Максим Богодвид / Медиабанкка ўтишПразднование Ураза-байрама в России
Празднование Ураза-байрама в России - Sputnik Ўзбекистон
Oбуна бўлиш
Ўзбекистон ташқи ишлар вазири АҚШда дин эркинлиги масалаларини муҳокама қилади.

ТОШКЕНТ, 22 июл - Sputnik. Ўзбекистон ташқи ишлар вазири Абдулазиз Камилов 24-27 июл кунлари АҚШга ташриф буюради, деб хабар қилмоқда ТИВ матбуот хизмати.

“Ўзбекистон Республикаси Ташқи ишлар вазири Абдулазиз Камилов бошчилигидаги делегация 2018-йилнинг 24-27-июл кунлари амалий ташриф билан АҚШда бўлади. Ташриф доирасида Диний эркинликни таъминлаш масалаларига бағишланган вазирлар конференциясида иштирок этади,” – дейилган хабарда.

Ундан ташқари, Ўзбекистон делегациясининг Вашингтон шаҳрида қатор икки томонлама учрашувлар ўтказиши кутилмоқда.

Ўзбекистон мусулмонлари АҚШ Давлат департаменти ҳисоботидан норози

Эслатиб ўтамиз, ушбу йилнинг январь ойида АҚШ Давлат департаментининг расмий вакили Хезер Науэрт, ўнлаб мамлакатларга, жумладан Ўзбекистонга ҳам диний эркинлик масалалари борасида бир қатор даъволари борлигини эълон қилган эди.

Ўзбекистон Мусулмонлар идораси бунга жавобан Давлат Департаментининг ҳисоботи мамлакатда юз бераётган ижобий ўзгаришларни ҳисобга олмаганини қайд этган эди.

Янгиликлар лентаси
0