Мустақилликка совға: Ўзбекистон ҳаво йўллари чипталарга чегирмалар эълон қилди

© Узбекские авиалинииСамолет бизнес-класса в аэропорту Ташкента
Самолет бизнес-класса в аэропорту Ташкента - Sputnik Ўзбекистон
Oбуна бўлиш
Ҳаво йўллари Ўзбекистон мустақиллигининг 27 йиллиги муносабати билан 30−50 %лик чегирмалар эълон қилди.

ТОШКЕНТ, 14 авг - Sputnik. "Ўзбекистон ҳаво йўллари" МАК байрам кунлари ички рейсларда чегирмалар эълон қилди. Бу ҳақда компания расмий сайтида хабар қилинган.

"Ўзбекистон ҳаво йўллари" Миллий авиакомпанияси Ўзбекистон мустақиллигининг 27 йиллиги нишонланадиган кунлар (31 август-4 сентябрь) республика ичидаги барча авиақатновлар чипталарига чегирмалар эълон қилади", - дейилади хабарда.

Владивосток - Sputnik Ўзбекистон
“Ўзбекистон ҳаво йўллари” Владивостокка парвозларни йўлга қўяди

Таъкидланишича, якка йўловчиларга 30 %лик, туристик гуруҳлар (беш ва ундан ортиқ киши), 6−15 ёшли болалар, коллеж, лицейлар ўқувчилари ва ОТМлар талабалари, ИИВ, МВ, ДСҚ, ДБҚ ва бошқа маҳкамалар тизимидаги махсус ўқув муассасалари тингловчиларига 40 %лик чегирмалар тақдим этилади.

Икки ва ундан ортиқ кишидан иборат оилалар — эр ва хотин, эр, хотин ва уларнинг 18 ёшгача бўлган болалари; 18 ёшгача фарзандлари бўлган ота ёки она 50 %лик чегирмадан фойдаланиши мумкин.

Пенсионерлар, ногиронлиги бўлган шахслар, 1941−1945 йиллардаги урушда қатнашганлар ва уларга тенглаштирилган шахслар, шунингдек Чернобиль АЭС фожиаси оқибатларини бартараф этишда иштирок этган шахсларга ҳам 50 %лик чегирмалар тақдим этилади.

Янгиликлар лентаси
0