Сиёсат

Аслида салоҳиятимиз – камида 1 миллиард доллар – Шавкат Мирзиёев

© Пресс-служба президента УзбекистанаПрезидент Узбекистана Шавкат Мирзиёев
Президент Узбекистана Шавкат Мирзиёев - Sputnik Ўзбекистон
2018 йил Ўзбекистон ва Тожикистон муносабатлари тарихида ғоят муваффақиятли бўлди - президент матбуот хизмати.

ТОШКЕНТ, 17 авг – Sputnik.  Ўзбекистон ва Тожикистон делегацияларининг кенг таркибдаги музокалари бошланди, деб хабар қилмоқда президенти матбуот хизмати.  

Кенг доирадаги музокараларда асосий эътибор Ўзўбекистон ва Тожикистон савдо-иқтисодий ҳамкорликни ривожлантириш масалаларига қаратилди. 

Встреча Шавката Мирзиёева и Эмомали Рахмона в Ташкенте - Sputnik Ўзбекистон
Сиёсат
Эмомали Раҳмон ва Шавкат Мирзиёевнинг тор доирадаги музокаралари бўлиб ўтди

Икки мамлакат орасида эркин савдо тартиби жорий қилинган. 2002 йилда Савдо-иқтисодий ҳамкорлик бўйича ҳукуматлараро комиссия тузилган. Ушбу комиссияларнинг ҳамраислари икки мамлакат Бош вазирлари экани томонларнинг бу алоқаларга катта аҳамият беришидан далолатдир.   

2018 йил икки томонлама муносабатлар тарихида ғоят муваффақиятли бўлди. Йил бошидан буён турли даражаларда элликдан ортиқ учрашувлар бўлиб ўтди. Савдо-иқтисодий ҳамкорлик бўйича ҳукуматлараро комиссиянинг тўртта мажлиси ўтказилди. 

Ўзаро савдо ҳажми жорий йилнинг биринчи ярмида 2017 йилнинг шу даврига нисбатан 35 фоиздан зиёд ўсди. Қиймати 300 миллион доллардан зиёд бўлган савдо шартномалари ва битимлар имзоланди. 

“Ҳамкорлигимизда ҳали ишга солинмаган имкониятлар жуда кўп. Шундай ишлашда давом этсак, тез орада товар айрибошлаш ҳажмини 500 миллион долларга етказамиз. Аслида салоҳиятимиз – камида 1 миллиард доллар”, деди Президент Шавкат Мирзиёев. 

Савдо-иқтисодий ҳамкорлик бўйича ҳукуматлараро комиссияга ўзаро савдо ҳажмини ошириш ва таркибини диверсификация қилишни изчил давом эттириш бўйича топшириқлар берилди. 

Президент Узбекистана Шавкат Мирзиёев и Президент Таджикистана Эмомали Рахмон - Sputnik Ўзбекистон
Аналитика
"Энди тўсиқлар йўқ": Ўзбекистон — Тожикистон стратегик ҳамкорлик йўлида
Икки мамлакат бизнес тузилмалари ва чегараолди ҳудудлари ўртасида кооперацияни кенгайтиришга қаратилган қўшимча чора-тадбирлар кўриш зарурлиги таъкидланди. Қишлоқ хўжалиги техникасини йиғиш, қурилиш материаллари, озиқ-овқат, тайёр тўқимачилик, электротехника  маҳсулотлари ва бошқа товарларни ишлаб чиқариш лойиҳаларини тезлаштиришга келишиб олинди.  

Транспорт ва транзит ташиш, энергетика ва гидроэнергетика, сувдан фойдаланиш соҳаларида ўзаро манфаатли келишувларга эришилди. Терроризм, экстремизм ва трансмиллий жиноятчиликка қарши курашиш, ҳуқуқни муҳофаза қилиш органлари ҳамкорлиги самардорлигини ошириш масалалари муҳокама қилинди.  

Томонлар ўзаро ҳамкорликни янада ривожлантиришдан манфаатдор эканини яна бир бор тасдиқлади.

Янгиликлар лентаси
0
Аввал янгилариАввал эскилари
loader
LIVE
Заголовок открываемого материала