Туркманбошида президентларнинг тор доирадаги учрашуви бўлиб ўтди

© Пресс служба президентаВстреча президентов в Туркменбаши
Встреча президентов в Туркменбаши - Sputnik Ўзбекистон
Oбуна бўлиш
Оролни қутқарув фонди таъсисчи мамлакатлари президентлари учрашувида Орол муаммоси, ҳудуддаги экологик ҳолатни яхшилаш бўйича олиб борилаётган ишлар муҳокама этилди.

ТОШКЕНТ, 24 авг – Sputnik. Туркманбоши шаҳридаги “Аваза” сайёҳлик зонасида Оролни қутқариш халқаро жамғармаси таъсисчи давлатлари раҳбарлари мажлиси бошланди, деб хабар қилди президент матбуот хизмати.

© Пресс служба президентаТуркманбошида президентлар учрашуви
Туркманбошида президентларнинг тор доирадаги учрашуви бўлиб ўтди - Sputnik Ўзбекистон
Туркманбошида президентлар учрашуви

Аввал тор доирада учрашув бўлди. Унда Ўзбекистон Республикаси Президенти Шавкат Мирзиёев, Туркманистон Президенти Гурбангули Бердимуҳамедов, Тожикистон Республикаси Президенти Эмомали Раҳмон, Қозоғистон Республикаси Президенти Нурсултон Назарбоев, Қирғизистон Республикаси Президенти Сооронбай Жээнбеков иштирок этди.

Мажлисда Орол муаммоси, ҳудуддаги экологик ҳолатни яхшилаш бўйича олиб борилаётган ишлар муҳокама этилди.

"Охирги йилларда Ўзбекистон Оролбўйи ҳудудида қатор кенг миқёсли лойиҳаларни амалга оширди. Орол денгизи қуриган 350 минг гектар майдонга саксовул ва шўрга чидамли ўсимликлар экилиб, бутазорлар барпо этилди. Бундай ҳудудларнинг умумий майдони қарийб 700 минг гектарга етди", - дейилган хабарда. 

Орол ҳалокати оқибатларини юмшатиш ва Оролбўйи минтақасини ривожлантириш бўйича 2013-2017 йилларга мўлжалланган комплекс чора-тадбирлар дастури доирасида 500 дан ортиқ лойиҳа амалга оширилди. Уларнинг ярмидан кўпи миллий лойиҳалардир.

Президент Шавкат Мирзиёевнинг 2017 йил 18 январдаги қарорига мувофиқ 2017-2021 йилларда Оролбўйи минтақасини ривожлантириш Давлат дастури қабул қилинди.

Шавкат Мирзиёев встретился с Гурбангулы Бердымухамедовым - Sputnik Ўзбекистон
Ўзбекистон ва Туркманистон президентлари учрашув ўтказишди

Ўзбекистон Республикаси Молия вазирлиги ҳузурида Оролбўйи минтақасини ривожлантириш жамғармаси тузилди ва унга 200 миллиард сўмдан ортиқ маблағ йўналтирилди.

Бу маблағлар ҳисобидан аниқ амалий ишлар қилинмоқда. Қорақалпоғистон Республикаси ва Хоразм вилояти аҳолисининг сув таъминоти, турмуш шароити яхшиланмоқда.

Учрашувда Орол муаммоси оқибатларини юшатиш, сувни тежаш ва ҳудуддаги экологик ҳолатни яхшилаш, Марказий Осиё мамлакатларининг бу борадаги саъй-ҳаракатларини бирлаштириш масалалари муҳокама қилинди.

Янгиликлар лентаси
0