Дунёда

Жанубий Корея етакчиси Трампга КХДРнинг янги баёнотини етказади

© Korea Summit Press Pool / AFPЛидеры КНДР и Южной Кореи Ким Чен Ын и Мун Чжэ Ин
Лидеры КНДР и Южной Кореи Ким Чен Ын и Мун Чжэ Ин - Sputnik Ўзбекистон
Обуна бўлиш
НовостиTelegram
Жанубий Корея раҳбари Мун Чжэ Ин АҚШ президентига КХДРнинг янги баёнотини етказиб беради.

ТОШКЕНТ, 20 сен – Sputnik. Жанубий Корея раҳбари Мун Чжэ Ин сўзларига кўра, у АҚШ президенти Дональд Трампга КХДР етакчиси Ким Чен Иннинг янги баёнотини етказиб беради.

Встреча лидеров КНДР и Южной Кореи - Sputnik Ўзбекистон
Видео
Шимолий ва Жанубий Корея етакчилари биргаликда усти очиқ лимузинда айланишди

“Яқинда мен АҚШга бораман ва президент Доналд Трамп билан учрашув ўтказаман. Мен у билан денуклеаризация бўйича Корея саммити якуний ҳужжатида акс этмаган томонлар ҳақида суҳбатлашишни режалаштирганман. АҚШ КХДРга ўз баёнотини биз орқали юбормоқчи. Президент Трамп билан учрашганимда, бу вазифани амалга ошираман”, - деди Мун Чжэ Ин КХДР ташриф якуни бўйича матбуот анжуманида.

Унинг сўзларига кўра, денуклеаризация жараёни барча тафсилотлари АҚШ ва КХДР етакчилари ўртасида муҳокама қилиниши зарур.

Мун Чжэ Ин 18-20 сентябрда КХДРга ташриф буюриб, Ким Чен Ин билан музокаралар ўтказди.

Учрашувлар якунида Корея ярим оролида ядровий қурол ва уруш хавфидан қутулишга қаратилган  интилишларни давом эттириш бўйича қўшма баёнот имзоланди.

Тўқнашувларни олдини олиш ва хавфсизликни таъминлаш бўйича аниқ чора-тадбирлар икки давлат мудофаа вазирлари имзолаган битимда ўз аксини топди. Мун Чжэ Ин эса президент Ким Чен Инни яқин вақтларда Сеулга таклиф қилди. КХДР етакчиси бу таклифни қабул қилди.

Янгиликлар лентаси
0