ТОШКЕНТ, 25 сен – Sputnik. Миллий матбуот марказида Ўзбекистон Марказий банки ҳамда “Қишлоққурилишбанк” мутахассислар иштирокида анжуман бўлиб ўтди, деб хабар қилмоқда ЎзА.
Журналистларнинг Ўзбекистонда пул алмашиши ва 100 000 сўмлик янги қоғоз пул муомалага чиқарилиши борасида берилган саволларига мутахассислар қуйидагича жавоб беришди.
“Пулнинг алмашишига сабаб ҳам эҳтимол ҳам йўқ. Йўқса, 100 минг сўмлик банкнотлар чиқарилармиди? Яқинда ана шундай суммадаги пул муомалага чиқарилади. Тўғри, инфляция ўсиши мумкин. Чунки банкнинг қайта молиялаш ставкасининг икки фоизга оширилиши, ўз – ўзидан бозордаги нарх-навога таъсир қилади”, - дейишди мутахассислар.
Шунингдек, хабарда ушбу йил Ўзбекистонда инфляция миқдори кутилганидан ортиқ бўлиши ва нархлар ўсиши кутилаётгани айтиб ўтилди.
Эслатиб щтамиз, айни дамда Ўзбекистонда энг катта қийматли купюра 50 минг сўмлик бўлиб у 2017 йилнинг 22 августида муомалага киритилган.
