ДХХ Суриядаги раҳбар-жангариларни Ўзбекистонга қайтарди

© Sputnik / Евгений Биятов / Медиабанкка ўтишРуки в наручниках
Руки в наручниках - Sputnik Ўзбекистон
Oбуна бўлиш
Давлат хавфсизлик хизмати Сурияда жангларда қатнашган жиноий гуруҳлар раҳбарларини қайтарди

ТОШКЕНТ, 26 окт - Sputnik. Ўзбекистон Давлат хавфсизлик хизмати чет эл махсус хизматлари билан ҳамкорликда Сурияда жангларда қатнашган бир нечта жангариларни мамлакатга қайтарди, деб хабар бермоқда Подробно.уз нашри.

Руки в наручниках - Sputnik Ўзбекистон
Халқаро террорчи ташкилотлар аъзоси бўлган Ўзбекистон фуқароси қўлга олинди

Улар Сурияда фаолият олиб борувчи ва Ўзбекистон хавсизлигига таҳдид солувчи "Котибатул Имом-ал Бухорий", "Котибатул Тавхид ва Жихад" халқаро террористик уюшмалари масъул шахслар ва раҳбарлар бўлганлиги айтилмоқда.

Ушланганлардан бири Сурияда "Катибатул Имом-ал Бухорий" раҳбари бўлган. У 1984 йилда Сурхондарё вилоятида туғилган, Ўзбекистон фуқароси. 2009-2010 йилларда Сурхондарё вилоятида "Жиҳодчилар" яширин ячейка аъзоси бўлган.

2011 йилда Россия ва Туркия транзити орқали Сурияга кетиб, террористик-бузғунчилик тайёргарликдан ўтган.

Иккинчи шахс Суриядаги "Котибатул Имом-ал Бухорий" террорчилик ташкилоти молиявий таъминоти, жангариларни ёллаш ва Сурияга юбориш учун масъул бўлган.

Встреча спасенных в Сирии российских детей в аэропорту Грозного - Sputnik Ўзбекистон
Сурияда қутқарилган аёллар ва болалар Чеченистонган олиб келинди

У 1985 йилда Андижон вилоятида туғилган, Ўзбекистон фуқароси. 2014 йилда Сурияга бориб, диверсион-террористик тайёргарликдан ўтган.

"Котибатул Имом-ал Бухорий" террорчилик ташкилотининг яна бир аъзоси бу гуруҳга 2015 йилда келиб қўшилган бўлиб, янги аъзоларни Туркияда кутиб олиш ва уларни Сурияга ўтказиш учун масъул бўлган.

У 1993 йилда Наманган вилоятида туғилган, Ўзбекистон фуқароси. 2011 йилда Покистон орқали Афғонистонга кириб борган ва "Ислом жиҳоди иттифоқи" ташкилотига аъзо бўлган. Террористик фаолият амалиётидан ўтгач, ҳукумат қўшинларига қарши жанговар ҳаракатларда иштирок этган.

Хорижда бўлган вақтларида бу фуқаролар қалбаки ҳужжатлардан фойдалнишган ва шу вақтгача ўзларини уйғурман дея таништирганлар. 

Руки в наручниках - Sputnik Ўзбекистон
Фарғоналик йигит Сурияда террорчилар сафида жанг қилгани учун 15 йилга қамалди

ДХХ сайи-ҳаракатлари туфайли Ўзбекистонга яна бир ватандош қайтарилган. У ҳам "Котибатул Тавҳид ва Жиҳод" террористик ташкилоти аъзоси бўлган.

Бу шахс террористик ташкилотнинг моддий таъминоти учун пул тўплаш билан шуғулланган, шунингдек Сурияга юбориш учун янги аъзоларни ёллаган. У 1990 йилда Сирдарё вилоятида туғилган, Ўзбекистон фуқароси.

Айни вақтда бу шахсларга нисбатан қўғатилган жиноий ишлар доирасида тергов ҳаракатлари олиб борилмоқда.

Янгиликлар лентаси
0