Аёлни таҳқирлаган Санъат Умаровга 5 йилгача қамоқ жазоси берилиши мумкин

© Sputnik / Екатерина Чеснокова / Медиабанкка ўтишПреступник за решеткой
Преступник за решеткой - Sputnik Ўзбекистон
Oбуна бўлиш
Санъат Умаровга нисбатан Ўзбекистон Жиноят кодексининг 3 та моддаси бўйича жиноят иши қўзғатилган.

ТОШКЕНТ, 14 ноя - Sputnik. Бугун, 14 ноябрь куни Жиноят ишлари бўйича Самарқанд вилоят судида Каттақўрғон шаҳар ИИБнинг собиқ ходими Санъат Умаров устидан суд жараёни давом этди, деб хабар қилди РИА Новости суд органлари вакили берган маълумотларига таянган ҳолда.

Таҳқирланган аёл: Санъат Умаровга ҳеч қандай даъвом йўқ

“Жиноят ишлари бўйича Самарқанд вилоят судида Ўзбекистон Республикаси Жиноят кодексининг 206-моддаси (ҳокимият ёки мансаб ваколати доирасидан четга чиқиш) 1-қисми, 235-моддаси (қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш), 2-қисми “а” ва “з” бандларида ҳамда 241-1 моддасида (жиноятни ҳисобга олишдан қасддан яшириш) назарда тутилган жиноятларни содир этганликда айбланаётган Санъат Умаровга нисбатан суд жараёни бўлиб ўтмоқда”, - деди суд вакили.

Ўтган вақт давомида айблов хулосаси ўқиб эшиттирилди, судланувчи С. Умаров ва жабрланувчи Н. Тошматованинг кўрсатмалари тингланди.

Суд тергови ўтказилиб, унда гувоҳлар сўроқ қилинди. Суд жараёни давом этмоқда.

Эслатиб ўтамиз, Самарқанд вилоятининг Каттақўрғон шаҳар ички ишлар бўлими жиноят қидирув бўлими тезкор вакили капитан Санъат Умаров ўғирликда гумон қилинган аёлни ИИБ биносида таҳқирлагани тасвирланган лавҳа интернетда тарқалган ва катта шов-шувга сабаб бўлган.

Янгиликлар лентаси
0