ТОШКЕНТ, 28 ноя – Sputnik. Хивада Ичан қалъа ҳудудида кечаю кундуз ишлайдиган банкоматларни ўрнатиш бошланди.
Ўзбекистон Туризмни ривожлантириш давлат қўмитаси маълумотига кўра, январь ойининг охиригача шаҳарда 28 та қўшимча терминаллар пайдо бўлади. Бу банкоматлар орқали миллий ёки чет эл валютасини ечиб олиш мумкин.
Терминаллар Visa, Mastercard, American Express, China Union Pay халқаро тўлов тизими банк карталарини қабул қилади.
Банкоматлар Ўзбекистон президенти Шавкат Мирзиёевнинг “2017−2021 йилларда Хива шаҳри ва Хоразм вилояти сайёҳлик салоҳиятини комплекс ривожлантириш дастури тўғрисида”ги қарорига асосан ўрнатилмоқда.
