Юнусободдаги 8-автобус саройида 2та автобус ёниб кетди

© Служба пожарной безопасности Сгоревший автобус в 8-автопарке г. Ташкента
Сгоревший автобус в 8-автопарке г. Ташкента - Sputnik Ўзбекистон
Oбуна бўлиш
Таъмирлаш цехида техника хавфсизлиги қоидаларига амал қилинмай олиб борилган пайвандлаш ишлари оқибатида 2та автобус ёниб кетди.

ТОШКЕНТ, 16 дек - Sputnik. Кеча, 15 декабрь куни Тошкентдаги 8 - автобус саройида ёнғин содир бўлди. Саройнинг таъмирлаш цехида чиққан ёнғинда 2та автобус ёниб кетди, деб хабар қилмоқда "Тошшаҳартрансхизмат".

Хабарда айтилишига кўра, ёнғин техника хавфсизлиги қоидаларига амал қилинмай олиб борилган пайвандлаш ишлари оқибатида келиб чиққан.

Первый день работы с пассажирами - Sputnik Ўзбекистон
Тошкентда 350 та газда юрувчи MAN автобуслари пайдо бўлади

"15 декабрь куни, соат 13:40лар атрофида “8-автобус саройи” МЧЖ ҳудудида жойлашган “Тошавтотаъмирхизмат” УК ишлаб чиқариш кузов таъмирлаш бўлимида пайвандлаш ишларини олиб бориш жараёнида, техник хавфсизлик қоидалари бузилганлиги оқибатида, ёнғин содир бўлган. Ёнғин оқибатида, ишчи ва хизматчилардан ҳеч ким жароҳатланмаган аммо, таъмирлашда бўлган 2 та автотранспорт воситасига зарар келтирилган", - дейилган "Тошшаҳартрансхизмат" расмий хабарида. 

Юнусобод туман Ёнғин хавфсизлик хизмати хабарида айтилишига кўра, ушбу ёнғинда 1та MAN ва 1та Mercedes русумли автобуслар зарар кўрган. Айни дамда ушбу иш юзасидан Ёнғин хавфсизлиги бўлими ва "Тошшаҳартрансхизмат" АЖ маъсул ходимлари томонидан ишчи гуруҳ тузилиб, текширув ишлари олиб борилмоқда.

Эслатиб ўтамиз, 2018 йил бошида "Тошшаҳартрансхизмат" таркибида Самарқандда ишлаб чиқарилган, газда ҳаракатланувчи MAN автобуслари йўловчиларга хизмат кўрсатишни бошлаган эди. Келажакда 350та ана шундай автобуслар харид қилиш режалаштирилган. 

 

Янгиликлар лентаси
0