Ер участкаларини давлат ва жамоат эҳтиёжлари учун бериш тартиби тасдиқланди

© Flickr / tuchodiТрактор на поле во время посева
Трактор на поле во время посева - Sputnik Ўзбекистон
Oбуна бўлиш
Ер участкасини ажратиш учун туман (шаҳар), Тошкент шаҳар ҳокимлигига ариза берилади.

ТОШКЕНТ, 30 янв – Sputnik. Ҳукумат қарори билан Ер участкаларини давлат ва жамоат эҳтиёжлари учун бериш тартиби тўғрисидаги низом тасдиқланди, деб хабар қилди Адлия вазирлигининг "Ҳуқуқий ахборот" канали.

Низомга мувофиқ, давлат ва жамоат эҳтиёжлари учун ер участкаларини олиб қўйишга ер участкаси эгалари билан очиқ муҳокама ўтказилганидан ҳамда етказилган зарарнинг ўрни тўлиқ қопланганидан кейин рухсат берилади.

Давлат ва жамоат эҳтиёжлари учун ер участкаси ажратиш бўйича материалларни тайёрлаш “Давергеодезкадастр” қўмитасининг ҳудудий органлари томонидан амалга оширилади.

Протекающая кровля в одном из домов в Фергане - Sputnik Ўзбекистон
Ўзбекистон ер участкаларини хусусийлаштиришга рухсат берди

Ер участкаси ажратиш бўйича материалларни тайёрлаш ишлари ҳокимнинг қарори билан белгиланган ер участкаси ажратилаётган юридик ёки жисмоний шахс (буюртмачи) ҳамда кадастр органлари томонидан шартнома асосида бажарилади.

Буюртмачи ер участкасини ажратиш учун туман (шаҳар), Тошкент шаҳар ҳокимлигига ариза беради.

Ажратилаётган ер участкалари қурилиш органлари билан “YERELEKTRON” автоматлаштирилган ахборот тизими орқали келишилиши лозим.

Тегишли ташкилотларнинг ижобий хулосалари ва келишувлари олингандан кейин туман (шаҳар), Тошкент шаҳар ҳокими икки кун муддатда ер участкаси ажратиш ҳақида қарор қабул қилади.

Қарор асосида уч кунда ер участкаси чегаралари белгиланади.

Янгиликлар лентаси
0