Ўзбекистонда “сирли мижозлар” пайдо бўлади

© Sputnik / Андрей Иглов / Медиабанкка ўтишВ Крыму начали выдачу российских загранпаспортов
В Крыму начали выдачу российских загранпаспортов - Sputnik Ўзбекистон
Oбуна бўлиш
“Сирли мижоз” томонидан мониторинг нафақат бевосита объектларга ташриф буюришлар, балки мониторинг амалга оширилаётган давлат хизматларига қараб бошқа воситалар (телефон қўнғироқлари, электрон почта орқали мурожаат қилиш ва бошқалар) орқали ҳам амалга оширилиши мумкин.

ТОШКЕНТ, 26 фев - Sputnik. Ўзбекистонда Давлат хизматларининг сирли мижоз институти жорий этилади.

Президент Шавкат Мирзиёев “Ўзбекистон Республикасининг халқаро рейтинглар ва индекслардаги ўрнини яхшилаш чора-тадбирлари тўғрисида”ги қарорни имзолади.

Ўзбекистонда киракашлар учун патент жорий этилиши мумкин

Қарорга мувофиқ, Ўзбекистон Республикасининг халқаро рейтинглардаги ўрнини мониторинг қилиш ва баҳолаш миллий тизими яратилади. Бошқарув сифати ва сиёсатнинг самарадорлигини ўлчаш, мамлакатда юз бераётган ўзгаришлар жараёнини баҳолаш Миллий мониторинг тизимининг таркибий қисми ҳисобланади.

“Давлат хизматларининг сирли мижози” институти маъмурий тартиб-қоидалар амалга оширилиши қулайлиги ва давлат органлари, шунингдек, уларнинг ходимлари томонидан давлат хизматларини кўрсатишда норматив-ҳуқуқий ҳужжатлар талаблари, ходимларнинг профессионаллиги ва тезкорлиги, уларнинг аҳоли билан муомала қилиш этикети даражасини баҳолайди.

“Давлат хизматларининг сирли мижози” институтидан фойдаланиш доирасидаги чора-тадбирлар Ўзбекистон Республикаси Адлия вазирлиги ва Савдо-саноат палатаси томонидан ташкил этилади.

“Давлат хизматларининг сирли мижози” институтидан фойдаланишда ҳуқуқбузарликлар ва ваколатни суиистеъмол қилишга ундовчи усулларни қўллаш тақиқланади.

Айтиш жоизки, “давлат хизматларининг сирли мижози” мониторинги натижалари тегишли давлат хизматларини кўрсатадиган вазирлик ҳамда идоралар ходимларини жавобгарликка тортиш учун асос бўлмайди ва тавсиявий кўринишга эга бўлади.

Янгиликлар лентаси
0