Тошкент вилоятида эркак собиқ хотинини ўлдириш учун “киллер” ёллади

CC0 / Unsplash / Dorian Hurst / Мужчина с оружием в руках
Мужчина с оружием в руках - Sputnik Ўзбекистон
Oбуна бўлиш
Тошкент вилоятида эркак собиқ турмуш ўртоғи ўлдириши ҳақида топшириқ бериб, эвазига 1500 доллар миқдорида мукофот пули ваъда қилади.

ТОШКЕНТ, 1 мар - Sputnik. Тошкент вилоятида собиқ турмуш ўртоғини ўлдириш учун 1 500 доллар ваъда қилиб, қотилликка одам ёллаган шахс қўлга олинди. Бу ҳақда Тошкент вилояти ИИБ матбуот хизмати хабар қилди.

Хабарда маълум қилинишича, 2019 йил 11 февраль куни Тошкент вилояти ИИБга Чирчиқ шаҳрида яшовчи 1970 йилда туғилган фуқаро Б. Й ариза билан мурожаат қилиб, таниши Қибрай туманида яшовчи 1981 йилда туғилган Д. А собиқ турмуш ўртоғи 1979 йилда туғилган Ш. Мни ўлдириши ҳақида топшириқ бериб, эвазига унга 1500 доллар миқдоридаги пулларни ваъда қилаётганлигини маълум қилади.

Узбекские милиционеры - Sputnik Ўзбекистон
Наманганда сингил ўз туғишган акасини ўлдириш учун "киллер" ёллади

Мазкур ҳолат юзасидан тегишли ҳужжатлар расмийлаштирилиб, 2019 йилнинг 13 февраль куни Тошкент вилояти Ички ишлар бошқармаси ва вилоят Прокуратураси ходимлари ҳамкорлигида тезкор тадбир ўтказилиб, буюртмачи Д. А учун собиқ турмуш ўртоғи Ш.М ўлдирилганлиги, қотиллик жинояти Б. Й томонидан содир этилганлиги саҳналаштирилиб, далил сифатида фото суратлар ҳамда собиқ турмуш ўртоғига тегишли аёллар сумкаси берилади. Шундан сўнг буюртмачи Д.А ишни битирганлиги учун Б. Йга келишилган пулдан 400 000 сўмни бераётган вақтида далилий ашёлар билан қўлга олинган.

Келинини ўлдириш учун киллер ёлламоқчи бўлган қайнота ҳибсга олинди

Мазкур ҳолат юзасидан Тошкент вилояти Прокуратураси томонидан фуқаро Д.Ага нисбатан Ўзбекистон Жиноят кодексининг 25/97-моддаси 1-қисми билан жиноят иши қўзғатилиб, эҳтиёт чораси сифатида қамоққа олинган.

Янгиликлар лентаси
0