Шавкат Мирзиёев барчани Наврўз байрами билан табриклади.
“Бу йилги Наврўз байрами ушбу муаззам саройда ўтаётганида ўзига хос рамзий маъно бор, албатта. Афсонавий Ҳумо қуши – эзгулик ва бахт тимсоли, Наврўз эса баҳор ва бахт айёмидир. Бу икки улуғ тимсол, яъни, Ҳумо ва Наврўз фалсафаси ўзаро уйғун бўлиб, ҳаётимизни янада мазмунли ва мунаввар этгай, иншооллоҳ”, - деди давлат раҳбари.
Мирзиёев барчага "ҳаётингиз баҳор тонгидек тиниқ, бахтли ва фаровон бўлсин! Шарқона Янги йилимиз – Наврўзи оламнинг қадами қутлуғ ва баракали келсин", дея тилак билдирди.
Наврўз тадбирида чет давлатларнинг элчиларини, халқаро ташкилотлар вакилларини, хорижий меҳмонлар иштирок этишди.
Байрам шўх-шодон қўшиқлар, рақслар билан давом этди. Саҳнада мамлакатимизнинг ҳар бир ҳудуди анъаналари, ўзига хос санъати, халқ ўйинлари ифодаланди. Фольклор-этнографик жамоалар деҳқончиликка барака тилаб, Наврўз, табиат, меҳр-оқибат ҳақида қўшиқлар айтди. Эстрада хонандаларининг чиқишлари, болакайларнинг ўйин-кулгулари барчага завқ-шавқ улашди.
Наврўз айёмининг энг эрқин лаҳзаларини Sputnik Ўзбекистан видеосида томоша қилинг.
